عێراق: تاوانە تیرۆریستییەکان بە ڕێژەی 88% کەم بوونەتەوە

ئاڤا نیوز

وەزارەتی ناوخۆی عێراق ڕایدەگەیێنێت، ڕێژەی تاوانە تیرۆریستییەکان لە سەرانسەری وڵات بە ڕێژەی 88% کەمی کردووە، هاوکات ئاشکرای دەکات، خاوەنی 2 ملیۆن بەڵگەنامەی ڕێکخراوی تیرۆریستیی داعشە.

 

وێنە گەورەکە: ئەگەرچی زیاتر لە هەشت ساڵ کۆتاییهاتنی داعش لە عێراق ڕاگەیێنراوە کە زیاتر لە سێیەکی ئەو وڵاتەی بەدەستەوە بوو. بەڵام ناوە ناوە لە ڕێگەی شانە نووستووەکانەوە کردەی تیرۆریستی ئەنجام دەدات و خەڵکی سڤیل و هێزە ئەمنییەکان دەکاتە ئامانج، ئەمەش وای کردووە، دوای هەشت ساڵ عێراق دان بەوە دابنێت هێشتا تاوانە تیرۆریستییەکان هەر ماون.

 

چیرۆکی سەرەکی: لیوا میقداد میری، گوتەبێژی وەزارەتی ناوخۆ، لە کۆنفرانسێکی ڕۆژنامەوانیدا لە مووسڵ، ئامارە ساڵانەکانی ساڵی 2025ی ڕاگەیاند.

 

لێدوانی ڕۆژنامەوانی: میری ئاماژەی بەوەدا، وەزارەتی ناوخۆ خاوەنی زیاتر لە 2 ملیۆن بەڵگەنامەی داعشە و سەرجەمیان ئەرشیف کراون. هەروەها داتابەیسێکی تایبەت بە ئاوارەکان، لەوانەش کەمپی هۆڵی سووری دروست کراوە.

 

-میری دووپاتی کردەوە کە سیستەمێکی هەواڵگریی نوێ، یارمەتیدەر بووە لە هەڵوەشاندنەوەی سەدان تۆڕی تیرۆریستی و لەناوبردنی دەیان حەشارگە. لە ماوەی سێ ساڵی ڕابردوودا، 222 تیرۆریست کوژراون و 222 تیرۆریستی دیکەش دەستگیر کراون.