ئێران گرۆسی بە دوژمن ناو دەبات

ئاڤا نیوز

بەرپرسی ڕێکخراوی وزەی ئەتۆمی ئێران دەڵێت ڕافائێل گرۆسی، بەڕێوەبەری گشتیی ئاژانسی نێودەوڵەتی وزەی ئەتۆمی بەشێکە لە دوژمنەکانمان.

چیرۆکی سەرەکی: سەرۆکی ڕێکخراوی وزەی ئەتۆمی ئێران، ڕەخنە لە هەڵوێستەکانی بەڕێوەبەری گشتیی ئاژانسی نێودەوڵەتی وزەی ئەتۆمی دەگرێت و ڕافائیل گرۆسی بە “بەشێک لە دوژمن” وەسف دەکات.

لێدوانی فەرمی: محەممەد ئیسلامی، سەرۆکی ڕێکخراوی وزەی ئەتۆمی ئێران ڕایگەیاند: ئەگەر پرۆتۆکۆڵێک هەبێت بۆ "پشکنینی" دامەزراوەکانمان واتە" نەتەنز، فۆردۆ و ئەسفەهان" کە هێرشیان کرایەسەر ئەوا پێویستە بە وردی دەرەئەنجامی پشکنینەکان بەڕاستی و وردی ڕابگەینرێت، بەڵام شتێکی لەو جۆرە لە پارێزبەندییەکاندا پێشبینی نەکراوە، هەروەها لێدوانەکانی گرۆسی دەریدەخات کە "بەشێکە لە دوژمنەکانمان" نەک بەڕێوەبەری ڕێکخراوێکی گەورەی نێودەوڵەتی.

زانیاریی زیاتر: ئەم قسانەی ئیسلامی لە کاتێکدایە کە ڕافائیل گرۆسی لە لێدوانێکیدا بۆ ڕیا نۆڤێستی ڕووسیا ڕایگەیاند: ئاژانسی نێودەوڵەتی وزەی ئەتۆمی پێیوایە بەشێکی زۆری یەدەگی یۆرانیۆمی ئێران کە زۆر پیتێنراوە، هێشتا لە ناوخۆی وڵاتیاندا ماوەتەوە.