وەزارەتی دارایی عێراق ڕێکارەکانی ناردنی مووچەی مانگی 10ـی نەکرد

ئاڤا نیوز

هەرچەندە ئەنجوومەنی وەزیرانی عێراق بڕیاری ناردنی دا، ئەمڕۆ وەزارەتی دارایی عێراق دەستی بە ڕێکارەکانی ناردنی مووچەی مانگی 10 نەکرد. 

چیرۆکی سەرەکی: دوێنێ محەممەد شیاع سوودانی، لە کۆبوونەوەی ئەنجوومەنی وەزیرانی عێراق، تەیف سامی، وەزیری دارایی ڕاسپارد بە خەرجکردنی مووچەی مانگی 10ـی مووچەخۆرانی کوردستان.

لێدوانی فەرمی: بەرپرسێکی باڵای حکومەتی عێراق بە ئاڤای ڕاگەیاند، ڕێکارەکانی خەرجکردنی مووچە چەند ڕۆژێکی پێدەچێت، بەم شێوازە بێت ناردنی مووچە دەکەوێتە هەفتەی داهاتوو، ڕەنگە بکەوێتە کۆتایی هەفتەی داهاتوو.

ئەمەش بزانە: لەم پێنجشەممەیەوە تا یەکشەممەی دوای سەری ساڵ لە کوردستان پشووە، حکومەتی کوردستان ڕایگەیاندووە ئەگەر پارە بنێردرێت لە ڕۆژەکانی پشوو دابەش دەکرێت و کێشە دروست نابێت.