لە سەیدسادق دوو کەس بە ناوی هێزی ئەمنییەوە هەڵدەكوتنە سەر ماركێتێك

ئاڤا نیوز

پۆلیسی قەزای سەیدسادق ئاشكرای دەكات كە دوو تۆمەتبار بە ناوی هێزی ئەمنییەوە هەڵیانكوتاوەتە سەر ماركێتێك و پاشان دەستگیر كراون.

چیرۆكی سەرەكی: مەفرەزەکانی بنکەی پۆلیسی سەیدسادق ئاگادار کرانەوە بەوەی دوو تۆمەتبار بەناوی هێزی ئەمنییەوە هەڵیانکووتاوەتە سەر مارکێتێک، بەبێ ئەوەی سەر بە هیچ دامودەزگایەكی ئەمنی بن، هاوكات پێشینەی تاوانكاریشیان هەیە.

ڕاگەیێنراوی فەرمی: بەشی ڕاگەیاندنی بەڕێوەبەرایەتیی پۆلیسی پارێزگای سلێمانی بڵاویكردووەتەوە، دوای ئاگاداركردنەوەی بنكەی پۆلیسی سەیدسادق، ئەو دوو تۆمەتبارە بە ناوەكانی (س، ع، س) و (ب، م، أ) بە بڕیاری دادوەری لێكۆڵینەوە لەلایەن مەفرەزەكانی بنكەی پۆلیسی سەیدسادق دەستبەجێ دەستگیر كراون.

زانیاریی زیاتر: تۆمەتبارەكان بەگوێرەی ماددەی 432 لە یاسای سزاكانی عێراق ڕاگیراون و لێكۆڵینەوە لەگەڵیاندا بەردەوامە.