نێچیرڤان بارزانی: كوردستان بە چەتری كۆكەرەوەی هەموو پێكهاتەكان دەمێنێتەوە

ئاڤا نیوز

نێچیرڤان بارزانی پابەندبوونی هەرێمی كوردستان بە پاراستنی كولتووری پێكەوەژیان و یەكترقبووڵكردن دووپات دەكاتەوە، هاوكات كریستیانەكان دڵنیادەكاتەوە کە هه‌رێمى کوردستان وەک هەمیشە بە لانەی ئارام و چەتری کۆکەرەوەی هەموو پێکهاتەکان دەمێنێتەوە.

چیرۆكی سەرەكی: بەبۆنەی جەژنى لەدایکبوونی حەزرەتی مەسیح (سڵاوی خوای لێ بێت)، سەرۆكایەتیی هەرێمی كوردستان پەیامێكی پیرۆزبایی بۆ هاووڵاتييانى مەسیحی لە هەرێمی کوردستان و عێراق ناردووە و ئەو جەژنە له‌ ته‌واوى مه‌سيحيیەكانی جیهان پيرۆز دەكات.

پەیامی فەرمی: نێچیرڤان بارزانی، سەرۆكی هەرێمی كوردستان ڕایدەگەیێنێت، خوشک و برایانی مەسیحی پێکهاتەیەکی ڕەسەن و بەشێکی دانەبڕاوی مێژوو و ئێستا و داهاتووی كوردستانن. لەم ڕۆژە پیرۆزەدا، جارێکی دیکە پابەندیی هەرێمی کوردستان دووپات دەکەینەوە بە پاراستنی کولتووری دێرینی پێکەوەژیان، لێبووردەیی و یەکترقبووڵکردن.

دەقی پەیامەکەی نێچیرڤان بارزانی، سەرۆکی هەرێمی کوردستان

جەژنى لەدایکبوونی حەزرەتی عیسای مەسیح (سڵاوی خوای لێ بێت)، به‌ گه‌رمى و له‌ دڵه‌وه‌ لە هاووڵاتييانى مەسیحيمان لە هەرێمی کوردستان و عێراق، هه‌روه‌ها له‌ ته‌واوى مه‌سيحييان له‌ جیهان، پيرۆز دەکەم. هیوادارم ئەم جەژنە بە خۆشی و شادی و لە کەشێکی ئارامدا بکەنەوە.

خوشک و برایانی مەسیحی پێکهاتەیەکی ڕەسەن و بەشێکی دانەبڕاوی مێژوو و ئێستا و داهاتووی كوردستانن. لەم ڕۆژە پیرۆزەدا، جارێکی دیکە پابەندیی هەرێمی کوردستان دووپات دەکەینەوە بە پاراستنی کولتووری دێرینی پێکەوەژیان، لێبووردەیی و یەکترقبووڵکردن. دڵنیاتان دەکەینەوە کە هه‌رێمى کوردستان وەک هەمیشە بە لانەی ئارام و چەتری کۆکەرەوەی هەموو پێکهاتەکان دەمێنێتەوە.

ئێمە هەموومان لەم نیشتمانەدا هاوبەش و هاوچاره‌نووسین؛ پێکەوە لە ڕۆژە سەختەکاندا قوربانیمان داوە و پێکەوەش بە تەبایی و یەکڕیزی کار بۆ بنیاتنانی داهاتوویەکی گەشتر و سەقامگیرتر بۆ نەوەکانمان دەکەین. با پەیامی ئەم جەژنە، پەیامی ئاشتی و خۆشەویستی و قووڵکردنەوەی برایەتی بێت لەنێوان هەمووماندا.

كريسمس لە هەموو لایەک پیرۆز بێت، هەموو ساڵێک بە خۆشی و کامەرانی.

نێچیرڤان بارزانی 
سەرۆکی هەرێمی کوردستان