ئێران دەست بەسەر کەشتییەکی نەوتهەڵگردا دەگرێت

ئاڤا نیوز

هێزی دەریایی سوپای پاسدارانی ئێران دەستی بەسەر کەشتییەکی نەوتهەڵگری بیانیدا گرتووە کە سووتەمەنی قاچاخی هەڵگرتبوو و 16 سەرنشینی کەشتییەکەش دەستگیرکراون.

لێدوانی فەرمی: موجتەبا قەهرەمانی، بەرپرسی دەزگای دادوەریی هۆرمۆزگان ڕایگەیاند: کەشتییەکە لە نزیک دوورگەی قشم لە کەنداو دەستی بەسەردا گیراوە و نزیکەی چوار ملیۆن لیتر سووتەمەنی قاچاخی هەڵگرتبوو. بەهای باری کەشتییەکە بە نزیکەی پێنج ملیۆن و 200 هەزار دۆلاری ئەمریکی مەزەندە دەکرێت.

ئەمەش بزانە: تا ئێستا دەسەڵاتدارانی ئێران ناسنامەی ئەو کەسانەیان ئاشکرا نەکردووە کە دەستگیرکراون، تەنیا ئەوەندەیان گوتووە کە هاووڵاتیی بیانین؛ هەروەها نەیانگوتووە ئەو کەشتییە سەر بە کام وڵاتە.