نرخی نەوت بەرەو گەورەترین دابەزینی ساڵانە هەنگاو دەنێت

ئاڤا نیوز

 

بازاڕەکانی وزە لە کۆتایی ساڵدا ڕووبەڕووی دابەزینێکی بەرچاو بوونەتەوە و نرخەکان بە ڕێژەی زیاتر لە 2٪ دابەزین، ئەمەش بەهۆی زیادبوونی خستنەڕوو و کەم بوونەوەی مەترسییەکانی جەنگ.

 

هۆکارە زانراوەکان: ئەم دابەزینە لە کاتێکدایە کە وەبەرهێنەران چاودێریی زیادبوونی بڕی نەوت لە بازاڕەکاندا دەکەن، هاوکات کەم بوونەوەی  مەترسییەکانی جەنگ و بوونی ئومێد بە  گەیشتن  بە ڕێککەوتنی  ڕوسیا و  ئۆکرانیا، بوونەتە هۆی دابەزینی نرخەکەی.

 

ژمارەکان وا دەڵێن: بەپێی دوایین ئامارەکان، نەوتی خاوی برێنت بە بڕی یەک دۆلار و 60 سەنت (واتە %2,57) دابەزی و گەیشتە  60,64 دۆلار بۆ هەر بەرمیلێک. هەروەها  نەوتی خاوی تەکساسی ئەمریکی بە بڕی یەک دۆلار و  61 سەنت (واتە %2,76) دابەزی و نرخەکەی گەیشتە 56, 74دۆلار بۆ هەر بەرمیلێک.

 

ئەمەش بزانە: سەرەڕای ئەوەی لە چەند ڕۆژی ڕابردوودا نرخەکان کەمێک بەرزبوونەوە، بەڵام هێشتا نەوت لە ئاستێکی نزمدا ماوەتەوە. ئەمە لە کاتێکدایە نرخی نەوت لە 16ی کانوونی یەکەمدا،  نزیکە نزمترین ئاستی خۆی لە ماوەی پێنج ساڵی ڕابردوودا تۆمار بکات.