عێراق لە ساڵی 2025 نزیکەی ملیارێک و نیو بەرمیل نەوتی بەرهەمهێناوە

ئاڤا نیوز

 

ڕوانگەی ئیکۆ عێراق ئاماری بەرهەمهێنانی نەوتی عێراق بۆ ساڵی 2025 ئاشکرا دەکات و دەڵێت، نزیکەی یەک ملیار و 500 ملیۆن بەرمیل نەوتی بەرهەمهێناوە و بە بەراورد بە ساڵی ڕابردوو بە ڕێژەی 3.8% کەم بووەتەوە.

ڕاگەیێنراوی فەرمی: ڕوانگەی "ئیکۆ عێراق" لە ڕاپۆرتێکدا ڕۆژی شەممە 27ی کانوونی دووەمی 2025 ڕایگەیاند: "نزیکەی 1,470,321,000 بەرمیل نەوتی لە خاکی عێراق لە ماوەی ئەمساڵدا دەرهێنراوە".

 

-ڕوانگەکە وتیشی: بەرهەمهێنانی نەوت لە سێ مانگی یەکەمی ساڵدا گەیشتووەتە 356 ملیۆن و 130هەزار بەرمیل، لە چارەکی دووەمدا 363 ملیۆن و 545 هەزار بەرمیل، لە چارەکی سێیەمدا 373 ملیۆن و و 888 هەزار بەرمیل، لە چارەکی چوارەمدا (سێ مانگی کۆتایی) 376 ملیۆن و  و 758 هەزار بەرمیل.

 

-  "تێکڕای بەرهەمهێنانی ڕۆژانەی نەوتی خاو لە ساڵی 2025 گەیشتووەتە چوار ملیۆن و 03 هەزار بەرمیل، لە کاتێکدا لە ساڵی 2024دا چوار ملیۆن و 19 هەزار بەرمیل بووە، بەمەش ڕێژەکە بە 3.8% کەم بووەتەوە. 

 

ئەمەش بزانە: ڕوانگەی ئیکۆ ڕێکخراوێکی عێراقییە کار لەسەر چاودێریکردن و شیکردنەوەی داتای ژینگەیی و ئابووری لە عێراق دەکات و ڕاپۆرتی خولی و هەواڵی نوێکراوە پێشکەشی توێژەران، وەبەرهێنەران و داڕێژەرانی سیاسەت لە عێراق دەکات.