پارێزگاری هەولێر هۆکاری شەڕەکەی سنووری مەلائۆمەر ئاشكرا دەکات

ئاڤا نیوز

پارێزگاری هەولێر ڕایدەگەیێنێت، هۆکاری شەڕەکەی سنووری مەلائۆمەر کێشەی کۆمەڵایەتی بووە و کۆنترۆڵ کراوە.

چیرۆکی سەرەکی:  کاتژمێر 11:30 خولەکی ئەمشەو لە گوندی شەوک لە سنووری کۆمەڵگەی مەلائۆمەر، شەڕ لە نێوان دوو بنەماڵەدا دروست بوو و دوای نزیکەی کاتژمێرێک کۆنترۆڵ کرا.

هۆکارە زانراوەکان: ئومێد خۆشناو، پارێزگاری هەولێر بە ئاڤا نیوزی گوت: شەڕەکە بەهۆی کێشەیەکی کۆنی کۆمەڵایەتییەوە بووە و پێشتر چەندجارێک دەستگیرکراون.

لێدوانی فەرمی: موقەدەم ئەردەلان، گوتەبێژی ئاسایشی هەولێر بە ئاڤا نیوزی گوت: شەڕەکە لە نێوان دوو خانەوادەی خزمی یەک کە ئامۆزان دروست بووە، لەلایەن هێزە ئەمنییەکانەوە کۆنترۆڵ کراوە.