پارەی مووچەی مانگی 10 خرایە سەر هەژماری وەزارەتی دارایی

ئاڤا نیوز

 

وەزارەتی دارایی و ئابووریی کوردستان دەڵێت، بڕی 942 ملیار دینار بۆ مووچەی مانگی 10 خرایە سەر هەژماری وەزارەتی دارایی کوردستان لە لقی هەولێری بانکی ناوەندیی عێراق.

 

چیرۆکی سەرەکی: هەفتەی ڕابردوو محەممەد شیاع سوودانی، لە کۆبوونەوەی ئەنجوومەنی وەزیرانی عێراق، تەیف سامی، وەزیری دارایی ڕاسپارد بە خەرجکردنی مووچەی مانگی 10ـی مووچەخۆرانی کوردستان، دوای نزیکەی هەفتەیەک وەزیری دارایی واژۆی لەسەر خەرجکردنی کرد.

 

ڕاگەیێنراوی فەرمی: بە گوێرەی ڕاگەیێنراوی وەزارەتی دارایی کوردستان، ڕۆژی یەکشەممە ڕێککەوتی  ( 2025/12/28 ) بڕی 942 ملیار و  845 ملیۆن دینار وەک تەمویلی مووچەی مانگی 10ی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندیی عێراق.

 

زانیاریی زیاتر: سەرچاوەیەک لە وەزارەتی دارایی بە ئاڤای گوت، "مووچەى مانگى 10به (قەید) خراوەتە سەر هەژماری بانکی وەزارەت و سبەی پارەکە وەردەگرین."