ڕووسیا یەکەم کاردانەوەی سەبارەت بە کۆبوونەوەی ترەمپ و زێلێنسکی ئاشكرا دەکات

ئاڤا نیوز

 

دوای ئەوەی دۆناڵد ترەمپ سەرۆکی ئەمریکا و ڤۆلۆدێمیر زێلێنسکی سەرۆکی ئۆکراینا لە فلۆریدا کۆبوونەوە، ڕووسیا پێشوازی لە هەوڵەکانی ئەمریکا بۆ کۆتاییهێنان بەشەڕی ئۆکراینا دەکات.

 

لێدوانی فەرمی: کیریل دیمیتریڤ، نێردەی تایبەتی ڤلادێمیر پووتین سەرۆکی ڕووسیا بۆ کاروباری ئابووری ڕایگەیاند، هەموو جیهان هەوڵەکانی سەرۆک ترەمپ و تیمەکەی بۆ ئاشتی بەرز دەنرخێنێت. ئەمە یەکەمین کاردانەوەی ڕووسیایە بەرامبەر بە کۆبوونەوەی نێوان ترەمپ و زێلێنسکی.

 

زانیاریی زیاتر: پێش کۆبوونەوەی ترەمپ و زێلێنسکی، ترەمپ ئاشکرای کرد پەیوەندییەکی تەلەفۆنی لەگەڵ پووتین ئەنجام داوە و گفتوگۆکانیشی بە باش و بوونیادنەر وەسف کرد.