پڕۆسەی دەنگدان بۆ هەڵبژاردنی سەرۆکی پەرلەمانی عێراق کۆتایهات

ئاڤا نیوز

 

پڕۆسەی دەنگدان بۆ هەڵبژاردنی سەرۆکی پەرلەمانی عێراق کۆتایهات، ئێستا جیاکردنەوەی دەنگەکان دەستی پێکرد.

 

وێنە گەورەکە: یەكەم دانیشتنی خولی شەشەمی پەرلەمانی عێراق بە ئامادەبوونی 292 پەرلەمانتار لەكۆی 329 ئەندامی پەرلەمان دەستیپێكرد، عامر فائیز وەک بەتەمەنترین پەرلەمانتار ئیدارەی دانیشتنی دەستپێک دەكات و دەرگای خۆكاندیدكردنی بۆ پۆستی سەرۆكایەتیی پەرلەمان كردەوە، دوای كشانەوەی موسەننا سامەڕائی لە كێبڕكێكە، دەرگای خۆكاندیدكردنی داخست و دووپاتیكردەوە كە تەنها سێ ناو كاندیدن بۆ ئەو پۆستە.

 

زانیاریی زیاتر: هەریەک لە هەیبەت حەلبووسی، سالم عیساوی و عامر عەبدولجەبار رکابەری دەکەن لە سەر بە دەستهێنانی پۆستی سەرۆکی پەرلەمان.

 

پرۆفایلی کاندیدانی هەرسێ کاندیدی پۆستی سەرۆکی پەرلەمانی عێراق:

 

هەیبەت حلبوسی:

هەیبەت حەمەد عەباس حەلبوسی، سیاسەتمەدارێکی عێراقییە و لە دایکبووی ساڵی 1980، خاوەنی بڕوانامەی بەکالۆریۆس و ماستەرە لە زانستە سیاسییەکان لە زانکۆی ئەلموستەنسرییە لە بەغدا.
 لە ماوەی خولی چوارەم و پێنجەمی پەرلەمانی عێراق وەک سەرۆکی لیژنەی نەوت و وزە لە پەرلەمانی عێراق کاری کردووە، 
حەلبوسی یەکێکە لە سەرکردە دامەزرێنەرەکانی پارتی "تەقەدووم" و بە کەسایەتییەکی کاریگەر لە گۆڕەپانی سیاسی سوونەکان دادەنرێت.

سالم مەتار عەبدولحەسەن:

سیاسەتمەدارێکی عێراقییە لە دایکبووی ساڵی 1972 
خاوەنی بڕوانامەی ماستەرە و ئەندامی پێشووی ئەنجومەنی پارێزگای ئەنبارە (2010-2014) 
لە خولی سێیەم ئەنجومەنی نوینەران ئەندامی پەرلەمانی عێراق بوو بە نوێنەرایەتی پارێزگای ئەنبار ساڵی (2014-2018)
ئێستاش ئەندامی پەرلەمانی عێراقە لە هاوپەیمانی سیادە 

عامر عەبدولجەبار ئیسماعیل:

لە دایکبووی (1962) ئەندازیاری دەریاوانی عێراقییە 
لە ساڵی 2008 تا  2010 وەزیری گواستنەوەی لە حکومەتی عێراقدا بووە و دواتر لەکارەکەی دوورخراوەتەوە.
لە مانگی ئازاری ٢٠١٠ پەیوەندی بە هاوپەیمانی دەوڵەتی یاساوە کرد
لە هەڵبژاردنەکان سەرۆکی گردبوونەوەی فاو زاخۆ بووە و بانگەشەی ئۆپۆزسیۆنی دەکرد لە پەرلەمان