بەهۆی وەگەڕانی شەمەندەفەرێک لە مەکسیک 13 کەس گیانیان لەدەست دا

ئاڤا نیوز

 

بەهۆی وەرگەڕانی شەمەندەفەرێک لە باشووری مەکسیک لانیکەم 13 کەس گیانیان لەدەست دا و دەیان کەسی دیکەش بریندار بوون.

 

چی ڕوودەدات: شەمەندەفەرێکی نەفەرهەڵگر لە ویلایەتی 'واخاکا' لە باشووری مەکسیک وەرگەڕا، بەهۆیەوە هاتووچۆ بەدرێژایی هێڵێکی شەمەندەفەر کە زەریای هێمن بە کەنداوی مەکسیک دەبەستێتەوە وەستا.

 

ژمارەکان وا دەڵێن: بەگوێرەی ئامارەکانی هێزی دەریایی مەکسیک، شەمەندەفەرەکە 250 کەسی هەڵگرتبوو، 13 کەس گیانی لەدەست دا و 98 کەسی دیکەش بریندار بوون، بارودۆخی پێنج لەو بریندارانە ناجێگیرە.

 

لێدوانی فەرمی: کلاودیا شینباوم، سەرۆکی مەکسیک، لەبارەی ڕووداوەکەوە داوای لە دامەزراوە پەیوەندیدارەکان کردووە کە خۆیان بگەیەننە شوێنی ڕووداوەکە و هاوکاریی پێویست دابین بکەن.