سەرۆکی بانکی ناوەندیی ئێران دەستی لەکار کێشایەوە

ئاڤا نیوز

 

جێگری سەرۆککۆماری ئێران دەڵێت، بەڕێوەبەری گشتیی بانکی ناوەندی دەستی لەکارکێشاوەتەوە و مەسعود پزشکیان، سەرۆککۆماری ئێران بە دەستلەکارکێشانەوەکەی ڕازی دەبێت.

 

هۆکارە زانراوەکان: لەگەڵ داڕمانی زیاتری بەهای تومەنی ئێرانی بەرامبەر دۆلارلەم، دواییانەدا لە میدیاکانەوە دەنگۆی دەستلەکارکێشانەوەی محەممەد ڕەزا فەرزین، بەڕێوەبەری گشتیی بانکی ناوەندیی ئێران بڵاو کرایەوە، ئەو دەنگۆیەش بە بێدەنگی لەلایەن بەڕێوەبەری بانکی ناوەندییەوە پێشوازی لێکرا.

 

ڕاگەیێنراوی فەرمی: محەممەد مەهدی تەباتەبایی، جێگری پەیوەندییەکان و ڕاگەیاندنی نووسینگەی سەرۆککۆماری ئێران لە تۆڕی کۆمەڵایەتی ئێکس ڕایگەیاند: دوای دەستلەکارکێشانەوەی محەممەد ڕەزا فەرزین، سەرۆککۆماری ئێران بڕیاری دا کە  عەبدولناسر هیمەتی بکاتە پارێزگاری بانکی ناوەندی.