ڕێبوار کەریم بۆ ئاڤا: ناکشێمەوە

ئاڤا نیوز

 

ڕێبوار کەریم، کاندیدی فراکسیۆنی ڕەوتی هەڵویستی نیشتمانی بۆ جێگری دووەمی سەرۆکی پەرلەمانی عێراق بۆ ئاڤا میدیا دووپاتی کردەوە، لە کێبڕکێیەکە ناکشێتەوە.

 

چیرۆکی سەرەکی: دوێنێ دووشەممە، دوو گەڕی هەڵبژاردنی جێگری دووەمی سەرۆکی پەرلەمانی عێراق کە پشکی کوردە بەڕێوەچوو، دوو کەس کاندیدی پۆستەکە بوون؛ شاخەوان عەبدوڵڵا، کاندیدی فراکسیۆنی پارتی و ڕێبوار کەریم، کاندیدی فراکسیۆنی ڕەوتی هەڵوێست، بەڵام هیچکامیان نەیانتوانی دەنگی پێویستی پەرلەمانتاران بەدەست بهێنن و پرۆسەکە چووە گەڕی سێیەم کە بڕیارە ئەمڕۆ سێشەممە درێژە بە دانیشتنەکە بدرێت.

 

لێدوانی فەرمی: د. ڕێبوار کەریم، کاندیدی پۆستی جێگری دووەمی پەرلەمان بە دەروون مالی ناجی، بەرپرسی نووسینگەی ئاڤا میدیا لە بەغدای ڕاگەیاند: لە کێبڕکێیەکە ناكشێمەوە و ئەو پرۆسەیەی دەستمان پێکردووە دەمانەوێت بیگەیێنینە ئەنجام.

 

زانیاری زیاتر: دەروون مەلا ناجی ئەوەی خستەڕوو کە بۆ ئەوەی بۆشایی یاسایی دروست نەبێت، پێشبینی دەکرێت ئەنجوومەنی دادوەری بڕیار بدات.

 

باکگراوند: بڕیار بوو کاتژمێر 02:00ی پاش نیوەڕۆ، درێژە بە دانیشتنی دوێنێی پەرلەمان بدرێت بۆ دەنگدان بە جێگری دووەمی سەرۆکی پەرلەمان زەنگی چوونە ژوورەوە لێدراوە، بەڵام تاوەکو ئێستا زۆربەی پەرلەمانتاران لەنێو هۆڵەکە ئامادە نین و هێشتا "نیساب" تەواو نەبووە.