زانیاریی ئاڤا: پارتی شاخەوان عەبدوڵڵای کشاندەوە و فەرهاد ئەترووشی کاندید کرد

ئاڤا نیوز

بەپێی زانیارییەکانی ئاڤا میدیا، پارتی، شاخەوان عەبدوڵڵای کشاندەوە و فەرهاد ئەترووشی بۆ جێگری دووەمی سەرۆکی پەرلەمانی عێراق کاندید دەکات.

لێدوانی فەرمی: کەمێک پێش ئێستا، پەرلەمانتارێکی یەکێتی بە ئاڤای ڕاگەیاند، ئامادەکاریی دەکرێت بۆ ئەوەی هەردوو کاندیدەکە بکشێننەوە، شاخەوان عەبدوڵلا و رێبوار کەریم، دەشڵێت، ئەوان کێشەیان نییە لەگەڵ کاندیدی پارتی، بەڵام بەشێک لە لایەنە سیاسییەکان داوا لە پارتی دەکەن کاندیدەکەی بگۆڕێت. 

تایبەت بە ئاڤا: بە گوێرەی زانیارییەکانی ئاڤا، پارتی، شاخەوان عەبدوڵڵای کشاندەوە و فەرهاد ئەترووشی بۆ جێگری دووەمی سەرۆکی پەرلەمانی عێراق کاندید دەکات.

 

چاوەڕوانکراوەکان: پارتی ئاماژەی ناردووە بۆ لایەنە بەشدارەکانی ناو کۆبوونەوەکەی پەرلەمان، کە ئەگەر کێشەی کەسییتان لەگەڵ بەربژێرەکەی پارتی هەیە، ئەوە ئامادەن د. شاخەوان عەبدوڵڵا بگۆڕن بۆ د. فەرهاد ئەتروشی، بەڵام بە مەرجێک د. ڕێبوار کەریم لە خۆ کاندیدکردن بکشێتەوە، بەو شێوەیەش پارتی دڵنیا دەبێتەوە لە هەڵوێستی پارتەکان.

 

زانیاری نوێ: د. غالب محەممەد، سەرۆکی فراکسیۆنی ڕەوتی هەڵوێست لە پەرلەمانی عێراق، بە ئاڤای ڕاگەیاندووە، فشاری زۆریان لێ دەکرێت بۆ ئەوەی کاندیدکردنی د.ڕێبوار کەریم بکشێننەوە و کەسێکی دیکە کاندید بکەن، بەڵام ڕشدن لەسەر کاندیدەکەیان و بەردەوام دەبن.