لێدوانی بەڕێوەبەری فڕۆکەخانەی هەولێر لەبارەی ڕاگرتنی گەشتەکانیان

ئاڤا نیوز

 

بەڕێوەبەری فڕۆکەخانەی نێودەوڵەتیی هەولێر ڕایگەیاند، بەهۆی نائارامیی ئاسمانی عێراق و ناوچەکە، بڕیار دراوە بۆ ماوەیەکی کاتی گەشتی فڕۆکەخانەی هەولێر و سلێمانی و تەواوی فڕۆکەخانەکانی عێراق ڕابگیرێن.

 

وێنە گەورەکە: ئێران هێرشە درۆنییەکانی بۆ سەر ئیسرائیل دەستیپێکردووە و بڕیارە لە چەند کاتژمێری داهاتوودا لە ڕێگەی مووشەکەوە هێرشی ڕاستەوخۆ بکاتە سەر ئیسرائیل، بەهۆیەوە چەندین وڵات گەشتە فڕۆکەوانییەکانیان ڕاگرتووە.

 

لێدوانی فەرمی: ئەحمەد هۆشیار، بەڕێوەبەری فڕۆکەخانەی نێودەوڵەتیی هەولێر، ڕایگەیاند: "بە هۆی نائارامیی ئاسمانی عێراق و ناوچەکە، بە هۆکاری گرژیی سەربازی لە ناوچەکەدا، بڕیار دراوە بۆ ماوەیەکی کاتی گەشتی فڕۆکەخانەی هەولێر و سلێمانی و تەواوی فڕۆکەخانەکانی عێراق ڕابگیرێن".

 

ئەوەی پێویستە بیزانیت: بەڕێوەبەری فڕۆکەخانەی هەولێر لەبارەی کاتی ئاساییکردنەوەی گەشتەکانی فڕۆکەخانەکە دەڵێت: لە ئەگەری کردنەوەی گەشتی فڕۆکەخانەکاندا، هاووڵاتییان ئاگادار دەکرێنەوە".