هونەرمەندێکی کورد لە تاران دەستگیرکرا

ئاڤا نیوز

 

هونەرمەندێکی کورد کە ساڵی ڕابردوو دەستگیرکرابوو و پێشتر سزای بەندکردنی بەسەردا سەپێندرابوو، جارێکی دیکە لەلایەن سوپای پاسدارانەوە لە تاران دەستگیرکرا.

 

ڕاگەیێنراوی فەرمی: ڕێکخراوی هەنگاو بۆ مافەکانی مرۆڤ لە ڕاگەیێنراوێکدا ئاشکرای کرد، ئاتنا فرقدانی، هونەرمەند، کارتۆنیست و چالاکی مافی منداڵانی دانیشتووی تاران لەلایەن هێزە ئەمنییەکانەوە لەڕێی بەکارهێنانی توندوتیژییەوە دەستگیرکرا. 

 

ئەوەی پێویستە بیزانیت: محەممەد موقیمی، پارێزەری ئاتنا فەرقدانی کە لە هەژماری تایبەتی خۆی لە تۆڕی ئێکس نووسیویەتی: ئاتنا بەهۆی ناڕەزایەتی دەربڕین سەبارەت بە دەستبەسەرکرانی سەرەڕۆیانە، بڕیاری بارمتەدانانی قبووڵ نەکردووە و لە ئاکامدا بۆ بەندیخانەی شاری ڕەی "قەرچەک" گواستراوەتەوە.

 

باکگراوند: ئاتنا لە ڕێکەوتی 17ی ئایاری ساڵی ڕابردوو دوای بانگکران بۆ لقی لێپرسینەوەی خانەی دادی ناوچەی 33ی تاران دەستگیرکرا؛ ئاتنا مانگی تەمووزی ساڵی 2014ـش دەستگیرکرابوو بە تۆمەتی "سووکایەتیکردن بە ڕێبەر" کە سزای 12 ساڵ و 9 مانگی زیندانی بەسەردا سەپێندرا، بەڵام دواتر بۆ 18 مانگ کەمکرایەوە.