سەرۆک بارزانی و مەزڵووم عەبدی بە تەلەفۆن قسەیان کرد

ئاڤا نیوز

سەرۆک بارزانی و مەزڵووم عەبدی، بە تەلەفۆن قسەیان کرد و  هەردوولا بیروڕایان لەسەر دوایین پێشهاتەکانی سووریا و ڕۆژئاوای کوردستان ئاڵوگۆڕکرد.

چیرۆکی سەرەکی: زیاتر لە دوو هەفتەیە شەڕ و ئاڵۆزی لە ڕۆژئاوای کوردستان هەیە، بەهۆیەوە دەیان شەڕڤان شەهید بوون، سەدان هەزار کورد لە ناوچەکانی خۆیان ئاوارە بوون و لەدۆخێکی خراپی مرۆییدان، لەچەند ڕۆژی ڕابردوو سەرۆک بارزانی سەردانی ئیتاڵیای کرد و لەگەڵ بەرپرسانی باڵای ئەو وڵاتە جەختی لەوە کردەوە کە "بەهیچ شێوەیەک تەعەدا لە کورد قبووڵ ناکەن"

ڕاگەیێنراوی فەرمی: بارەگای بارزانی لە ڕاگەیێنراوێکدا ئاماژە بەوەدەدات، کە سەرۆک بارزانی و مەزڵووم عەبدی، فەرماندی گشتیی هێزەکانی سووریای دیموکرات؛ بە تەلەفۆن قسەیان لەبارەی دۆخی ڕۆژئاوای کوردستان کرد، لەو پەیوەندییە تەلەفۆنییەدا هەردوولا بیروڕایان لەبارەی دوا پێشهات و گۆڕانکارییەکان ئاڵوگۆڕ کرد.

لەلایەکی دیکەوە: شەوی ڕابردوو وەزارەتی بەرگریی سووریا لە ڕاگەیێنراوێکدا ئاماژەی بەوەدا، ماوەی ئاگربەست لە سەرجەم میحوەرەکانی سوپای عەرەبی سووریا بۆ ماوەی 15 درێژکرایەوە، ئاگربەستی درێژکراوەش لە کاتژمێر 11:00ـی شەوی 24 ـی 1ـی 2026 دەستیپێکردووە.