زانکۆیەکی ئەمریکا کچەکەی عەلی لاریجانی لە کارەکەی دوورخستەوە

ئاڤا نیوز

 

زانکۆی ئیمۆری لە ئەمریکا بە فەرمی فاتمە ئەردەشیر لاریجانی، کچی سکرتێری ئەنجوومەنی باڵای ئاسایشی نەتەوەیی ئێرانی لە کارەکەی دوورخستەوە.

ئەوەی پێویستە بیزانیت: فاتیمە ئەردەشێر پزیشک و ئەندامی فاکەڵتی زانکۆکە بوو، ئینستیتیوتی شێرپەنجەی "وینشیپ"ـی سەر بە زانکۆکە ڕایگەیاند، چیتر فاتیمە کارمەندی ئەوان نییە.

هۆکارە زانراوەکان: بڕیاری دورخستنەوەی کچەکەی لاریجانی لەو زانکۆیە دوای زیادبوونی فشارە سیاسییەکان و ناڕەزایەتی گشتی دێت دژی مانەوەی کچی بەرپرسانی ئێران لە ئەمریکا.

 

- دوورخستنەوەی فاتیمە ئەردەشیر لاریجانی هاوکاتە لەگەڵ سەپاندنی سزای نوێی وەزارەتی خەزێنەی ئەمریکا بەسەر عەلی لاریجانی باوکیدا بەهۆی ڕۆڵی لە سەرکوتکردنی خۆپیشاندانەکانی ئێراندا.

 

ئەمەش بزانە: زانکۆکە ئاماژەی بەوە کردووە کە بەهۆی "تایبەتمەندی کاروباری کارگێڕی" ناتوانن وردەکاری زیاتر لەسەر شێوازی دەرکردنەکەی ئاشکرا بکەن.