شاخەوان عەبدوڵڵا: بەبێ پارتی هەڵبژاردن ناکرێت

ئاڤا نیوز 

 

کۆشکی سپی لە ڕاگەیێنراوێکدا ناوەڕۆکی کۆبوونەوەی سەرۆکی ئەمریکا و سەرۆکوەزیرانی عێراقی بڵاوکردەوە و ڕایگەیاند، پێویستە هەڵبژاردنى پەرلەمانى کوردستان بەشێوەیەکی پاک و بێگەرد و دیموکراسییانە بێت.

 

وێنە گەورەکە: پارتی تێبینی لەسەر شێوازی بەڕێوەچوونی هەڵبژاردنی پەرلەمانی کوردستان هەیە، بۆیە لیستی بەربژێرانی پێشکشەشی کۆمیسیۆن نەکردووە. 

 

لێدوانی فەرمی: شاخەوان عەبدوڵڵا، جێگری سەرۆکی ئەنجوومەنی نوێنەرانی عێراق ڕایگەیاند، هەڵبژاردنی پەرلەمانی کوردستان کاتێک دەکرێت کە سەرجەم هێز و لایەنە سیاسییەکان تێیدا بەشداربن و تێبینییەکانی پارتیش جدین و تایبەتن بە گەلی کوردستانەوە.

 

زانیاریی زیاتر: جێگری سەرۆکی ئەنجوومەنی نوێنەرانی عێراق دەڵێت: پارتی هێزێکی گەورەیە لەسەر گۆڕەپانی سیاسیی کوردستان و هەڵبژاردن بەبێ پارتی ناکرێت، ئەوەش واقیعێکە کە سەرجەم هێز و لایەنەکان لە بەغدا درکیان پێکردووە”.

 

بابەتی ستراتیژی: بۆ دواخستنی دەنگدان هەنگاو  بۆ جێبەجێکردنی داواکارییەکانی پارتی هەیە و بەشێکیشیان کاتیان پێویستە، بۆیە چەند هەڵبژاردن چەند دوا دەکەوێت ئەوە بابەتێکی دیکەیە و سەرلەنوێش جەختیکردەوە لەوەی “هەڵبژاردن بە بێ پارتی ناکرێت”. شاخەوان عەبدوڵا، جێگری سەرۆکی ئەنجوومەنی نوێنەرانی عێراق وای گوت.

 

لەلایەکی دیکەوە: سەبارەت بە هەڵبژاردنى پەرلەمانى کوردستان، سەرۆکی ئەمریکا ئاماژەی بەوە داوە، کە پێویستە هەڵبژاردنێکی پاک و بێگەرد و دیموکراسییانە بێت.