هۆشیار زێباری: هەوڵەكانی سەرۆك بارزانی لەبارەی ڕێككەوتنی هەسەدە و حكومەتی سووریا كاریگەر بوون

ئاڤا نیوز

ئەندامێکی دەستەی کارگێڕیی مەکتەبی سیاسیی پارتی ئاشکرای دەکات، ڕێککەوتنی هەسەدە و دیمەشق دەرەنجامی هەوڵەکانی نوێنەری ئەمریکا و پەیوەندییە کاریگەرەکانی لەگەڵ سەرۆک بارزانی و مەزڵووم عەبدی بووە.

بڵاوکراوەی فەرمی: هۆشیار زێباری، لە هەژمار خۆی لە تۆڕی کۆمەڵایەتیی (ئێکس) پەیامێكی سەبارەت بە ڕێككەوتنی نێوان هەسەدە و حكومەتی سووریا بڵاو كردەوە و ڕایگەیاند: ئەو ڕێککەوتنەی لە نێوان حکومەتی سووریا و هێزەکانی سووریای دیموکرات کرا، لە دەرەنجامی هەوڵەکانی تۆم باراک، نوێنەری ئەمەریکا و پەیوەندییە کاریگەرەکانی لەگەڵ سەرۆک مەسعود بارزانی و مەزڵووم عەبدی، فەرماندەی گشتیی هێزەکانی سووریای دیموکرات، هەروەها پەیوەندی لەگەڵ حکومەتی تورکیا هاتووەتەوە ئاراوە.

- لەلایەکی دیکەوە، هۆشیار زێباری دووپاتی دەکاتەوە کە هەرێمی کوردستانی عێراق ڕۆڵێکی بنیاتنەر و ئەرێنی هەیە بۆ بەدیهێنانی ئاسایش و سەقامگیریی ناوچەکە بۆ بەرژەوەندی گەلانی ناوچەکە.

باکگراوند: ڕۆژی هەینی 30-1-2026، ناوەندی ڕاگەیاندنی هەسەدە لە ڕاگەیێنراوێکدا ئاشکرای کرد، بۆ ڕاگرتنی تەواوەتیی شەڕ و دەستپێکردنی پڕۆسەی ئاشتیی، لەگەڵ حکومەتی سووریا گەیشتینە ڕێککەوتنێکی گشتگیر کە تێیدا هەموو دامەزراوە سەربازیی و کارگێڕییەکان یەکدەخرێنەوە."