ترەمپ: تاران لەترسی هێرشی سەربازی ئامادەی دانوستانە

ئاڤا نیوز

دۆناڵد ترەمپ، سەرۆکی ئەمریکا هێرشی توند دەکاتە سەر سیاسەتەکانی جۆ بایدن و ڕایدەگەیەنێت، ئێران تەنیا لەبەر ترسی هێرشی سەربازیی ئەوان، ئامادەی دانوستانە.

لێدوانی فەرمی: دۆناڵد ترەمپ لەبارەی بایدن و ئێرانەوە دەڵێت: بایدن خراپترین سەرۆک بووە کە هەمانبووە، ئەو تەنانەت نازانێت سەرۆکە. ئێران تەنیا لەبەر ئەوە دانوستان دەکات چونکە نایانەوێت لێیان بدەین؛ ئەوان لە هێرشەکانی ئێمە دەترسن." هەروەها لەبارەی کەرەستە سەربازییەکانی ئەفغانستانەوە گوتی: "بایدن تانک و فڕۆکەی بۆ جێهێشتن، کە پێم گوت بۆچی فڕۆکەکانت نەهێنایەوە؟ گوتی کەس بیری لێ نەکردبووەوە.

زانیاریی زیاتر: ترەمپ لە چەندین تەوەری جیاوازدا ڕەخنە و تێبینییەکانی خستەڕوو:

نەوتی ڤەنزوێلا: ترەمپ پێیوایە ڤەنزوێلا لە هەموو کەس زیاتر نەوتی هەیە جگە لە ئەمریکا، دەڵێت: "ئێمە و ئەوان پێکەوە 68%ـی نەوتی جیهانمان بەدەستە."

سەرکەوتنی سیاسی: ترەمپ دانی بەوەدا نا کە بردنەوەی هەڵبژاردن بۆ "کەسایەتی و غروری" خۆی گرنگ بووە و دەڵێت: "بردنەوە لەم شێتانە (نەیارەکانی) کارێکی باوەڕپێنەکراو بوو."

پرسی خەڵوز: داوا دەکات هەموو کاتێک پێش وشەی خەڵوز (Coal)، دوو وشەی دیکە بەکاربهێنرێت کە ئەویش "خاوێن و جوانە" (Clean and Beautiful).

کریستی نۆیم و سنوور: ترەمپ بەرگری لە کریستی نۆیم دەکات و دەڵێت ئەمریکا ئێستا خاوەنی بەهێزترین سنوورە لە مێژوودا.

کریستیانەکان: ترەمپ بە شێوازی تایبەتی خۆی باسی پاراستنی کریستیانەکان دەکات و دەڵێت کاتێک هێرشیان بکرێتە سەر، دەزانن کە ترەمپ بە توندی و بە "دڕندانە" هێرش دەکاتەوە سەر هێرشکارەکان.

لوتکەی داڤۆس: ترەمپ بە گاڵتەجاڕییەوە باس لەوە دەکات کە دوای جێهێشتنی داڤۆس، ڕێکخەرەکان گوتوویانە "ئەمە ڕەنگە گەمژانەترین بانگهێشت بووبێت کە بۆ کەسێکمان کردبێت."

نوێ دەکرێتەوە...