ئەمریکا کاروانێکی نوێی دەستگیرکراوانی داعش لە سووریاوە ڕەوانەی عێراق دەکات

ئاڤا نیوز

لە چوارچێوەی ڕێککەوتنێکی سێقۆڵی نێوان هێزەکانی هاوپەیمانان، سوپای سووریا و هێزەکانی سووریای دیموکرات (هەسەدە)، هێزەکانی ئەمریکا سێیەم کاروانی دەستگیرکراوانی ڕێکخراوی تیرۆرستی داعشیان لە زیندانی غوێران لە پارێزگای حەسەکە بە ڕێگەی وشکانی بۆ عێراق گواستەوە.

زانیاریی بەدەستهاتوو: بەپێی زانیارییەکان، ئەم کاروانە نزیکەی 500 دەستگیرکراو لەخۆدەگرێت. ئەمەش دوای ئەوە دێت کە فەرماندەیی ناوەندیی ئەمریکا (سێنتکۆم) لە مانگی یەکی ڕابردوودا پلانی گواستنەوەی حەوت هەزار دەستگیرکراوی داعشی لە باکووری ڕۆژهەڵاتی سووریاوە بۆ عێراق ئاشکرا کردبوو .

هاوکات لەگەڵ ئەم گواستنەوانەدا، هێزەکانی ئەمریکا زۆربەی تاوەرەکانی چاودێرییان لە دەوروبەری بنکەی سەربازیی شەدادی لە حەسەکە چۆڵ کردووە و ئاڵای وڵاتەکەیان لەسەر هەندێک لەو تاوەرانە داگرتووە.

لەلایەکی دیکەوە: ئەنجوومەنی باڵای دادوەریی عێراق ڕایگەیاند، دادگای لێکۆڵینەوەی کەرخ دەستی کردووە بە لێکۆڵینەوە لەگەڵ هەزار و 378 چەکداری داعش کە لەم دواییانەدا لە سووریاوە ڕادەستی عێراق کراونەتەوە و ئێستاش لەقۆناغی بەدۆکیۆمێنتکردنی.

ئەم گۆڕانکارییانە دوای ئەوە دێن کە هێزەکانی هەسەدە لە کەمپی "هۆل" پاشەکشەیان کرد و سوپای سووریا کۆنترۆڵی کەمپەکە و دەوروبەری گرتە دەست.