تۆڕی پزیشکانیی سوودان: لە هێرشێکی هێزەکانی پشتیوانی خێرادا 24 کەس کوژران

ئاڤا نیوز

تۆڕی پزیشکانیی سوودان ڕایگەیاند، لە هێرشێكی هێزەکانی پشتیوانی خێرادا لە نزیک شاری راهاد لە باشووری پارێزگای کۆردۆڤان 24 کەس گیانیان لەدەست دا، لە نێو کوژراوەکان منداڵ و ژن هەن.

بڵاوکراوەی فەرمی: تۆڕی پزیشکانیی سوودان، لە تۆڕی کۆمەڵایەتی (X) بڵاویکردەوە: "هێزەکانی پشتیوانی خێرا کۆمەڵکوژییەکی ئەنجامدا، دوای ئەوەی پاسێکی گواستنەوەیان لە ڕێگەی درۆنەوە کردووەتە ئامانج، کە خەڵکی ئاوارەی مەدەنی ناوچەکەی تێدابووە، لە ئەنجامدا 24 کەس گیانیان لەدەستدا، لەنێو کوژراوەکان دوو ژن و هەشت منداڵی کۆرپە هەبوون، جگە لە برینداربوونی چەندین کەسی دیکە.

تۆڕی پزیشکانیی سوودان دەشڵێت: "دۆخی تەندروستی و مرۆیی ناوچەکە بە هۆی کەمیی پزیشک و دەرمانەوە خراپ بووە، ئەمەش ئازاری برینداران و ئاوارەکانی زیاتر کردووە."

زانیاریی زیاتر: سوودان بە بوونی سەرچاوە سرووشتییەکەی یەکێکە لە وڵاتە دەوڵەمەندەکانی ئەفریقا، بە تایبەت زێڕ، ئەم سەرچاوانە بوونەتە هۆی سەرنجڕاکێشانی چەندین هێزی جیهانی، کە هەریەکەیان هەوڵ دەدات دەست بەسەر سامانەکەیادا بگرن.

کاریگەرییەکان: بەگوێرەی ڕاپۆرتەکانی هەواڵ، لە ناوخۆی سوودان، ململانێی تووندی چەکداریی لە نێوان سوپای سوودان و هێزەکانی پشتیوانی خێرا هەیە، ئەمەش دۆخی وڵاتەی سەخت کردووە و بەهۆیە هەزاران کەس ئاوارەی شار و وڵاتانی دیکە بوون.