دوو برای بکوژی پۆلیسەکەی سلێمانی دەستگیرکران

ئاڤا دیجیتاڵ

 

پۆلیسی سلێمانی دەستگیرکردنی دوو کەسی ڕاگەیاندووە کە برای بکوژی پۆلیسەکەی شەقامی پیرەمێردی سلێمانین و ئاماژەی بەوەکردووە: یەکێکیان پێشینەی تاوانی هەیە.

 

لێدوانی فەرمی: پۆلیسی سلێمانی ڕاگەیێنراوێکی بڵاوکردەوە و ڕایگەیاند: "دوای سکاڵای هاووڵاتییەک کە لەلایەن دوو تۆمەتبارەوە بە چەك چوونەتە سەری و بەزۆر سواری ئۆتۆمبێلیان كردووە و هەڕەشەیان لێكردووە، هێزەكانمان لێكۆڵینەوە و بەدواداچوونەكانیان دەستپێكرد و بە بڕیاری دادوەر دوو کەسمان دەستگیر کرد".

 

تۆمەتباران، بەپێی ماددەی 405-31 لە یاسای سزادانی عێراقی، لێكۆڵینەوەكانی پۆلیس بەردەوام بوون و دواجار لە ڕۆژی چوارشەممە 24-01-2024 هەریەكە لە تۆمەتباران (ك ،ص و أ،ص) دەستگیر بکرێن.

 

لەكاتی لێكۆڵینەوە لەگەڵ تۆمەتباران دەرکەوت، هەردوو تۆمەتباری دەستگیر کراو، برای یەکترن و برای بکوژی پۆلیسەکەی شەقامی پیرەمێردی سلێمانین، یەکێک لەو تۆمەتبارانەش پێشینەی تاوانی هەیە. ئێستا لە بنكەی پۆلیسی ڕزگاریی لە سلێمانی بەندکراون و پەڕاوی لێكۆڵینەوەیان بۆ كراوەتەوە.