ئەمریکا 200 سەرباز ڕەوانەی نەیجیریا دەکات

ئاڤا نیوز

ئەمریکا 200 سەرباز ڕەوانەی نەیجیریا دەکات بۆ یارمەتیدانی هێزە ناوخۆییەکانی ئەو وڵاتە  کە ئامانج لێی بەرەنگاربوونەوەی چەکدارە توندڕەوەکانە.

وێنە گەورەکە: هەم هەوڵەی ئەمریکا لەکاتێکدایە، هەفتەی ڕابردوو دۆناڵد ترەمپ، سەرۆکی ئەمریکا حکومەتی نەیجیریای بەوە تۆمار کرد کە توانای پاراستنی کریستیانەکانی نییە لە هێرشی چەکدارە تووندڕەوەکان.

زانیاریی بەدەستهاتوو: بەرپرسێکی ئەمریکی بە ڕۆژنامەی وۆڵ ستریتی گوت، پێنتاگۆن بەنیازە نزیکەی 200 سەرباز لە هەفتەکانی داهاتوو ڕەوانەی نەیجیریا بکات بۆ ڕاهێنان بە سوپای نەیجیریا بۆ بەرەنگاربوونەوەی "چەکدارە توونڕەوەکان''.

- ئەم سەربازە نوێیانە لە سەرتاسەری ئەو وڵاتەدا جێگیر دەکرێن، بۆئەوەی مەشقی سەربازیی و شارەزایی تەکنیکی پێشکەش بکەن.

- ئەو بەرپرسە باڵایەی ئەمریکا دەڵێت،  سەربازانی ئەمریکا لە ئۆپەراسیۆنە شەڕکەرەکاندا بەشدار نابن.