سەرۆکی کۆڵۆمبیا لە هەوڵێکی کوشتن ڕزگاری دەبێت

ئاڤا نیوز

گوستاڤۆ پێترۆ، سەرۆکی کۆڵۆمبیا ڕایدەگەینێت، لە هەوڵێکی کوشتن ڕزگاری بووە، فڕۆکەوانی هەلیکۆپتەرەکەی ناچار بوو بۆ چوار کاتژمێر لەسەر دەریای کاریبی بفڕێت بۆ ڕزگاربوون لە مەترسی.

ڕاگەیێنراوی فەرمی: پیترۆ لەبارەی هێرشەکەوە وتی: شەوی دووشەممە نەمان تووانی لە شوێنی مەبەست لە کەنارەکانی کاریبی بنیشێنەوە، بەهۆی ترسی ئەوەی کە تەقە بکرێت، ئێمە بۆ ماوەی چوار کاتژمێر بەرەو دەریا ڕۆیشتین بەناچاری بەرەو شوێنێک ڕۆیشتین بەنیازی ئەوێ نەبووین بۆ ئەوەی ڕزگارمان بێت.

ئەوەی پێویستە بیزانیت: پێترۆ ناوی هیچ کەس یان گرووپێکی دیاریکراوی نەهێنایەوە، بەڵام ڕۆژانی ڕابردوو وتبووی کە ئاگادار کراوەتەوە کە بازرگانانی ماددە هۆشبەرەکان پیلانیان هەیە بۆ کوشتنی.

ئەمەش بزانە: ئەمە یەکەمجار نییە کە ئەم ڕووداوە بەسەر پیترۆدا دێت، لە ساڵی 2024 جارێکی دیکە لە هەوڵی تیرۆرکردن ڕزگاری بووە.