ئیسماعیل بەقایی: ئێران ئامادەیە گفتوگۆ لەسەر ئاستی پیتاندنی یۆرانیۆم بکات

ئاڤا نیوز

ئیسماعیل بەقایی، وتەبێژی وەزارەتی دەرەوەی ئێران ڕایدەگەیێنێت وڵاتەکەی ئامادەیە لە چوارچێوەی دانوستانەکاندا تاوتوێی ئاستی پیتاندن و بڕی یەدەگی ئەتۆمی بکات، بەڵام نایشارێتەوە بێمتمانەیی قووڵ لەنێوان تاران و واشنتۆندا هەیە.

لێدوانی فەرمی: وتەبێژی وەزارەتی دەرەوەی ئێران، ئیسماعیل بەقایی، بە میدیای ئێرانی ڕاگەیاند: دەستپێکردنەوەی گفتوگۆکان دوای هەشت مانگ لە "هێرشی نایاسایی ئەمریکا بۆ سەر دامەزراوە ئەتۆمییەکانی ئێران"، هەنگاوێکی بوێرانە بووە لەلایەن تارانەوە.

ئیسماعیل بەقایی دەڵێت: "هیچ مرۆڤێکی ژیر شەڕی ناوێت، بەڵام ئێران لە ماوەی پێنج دەیەی ڕابردوودا بەردەوام لەژێر هەڕەشەی 'هەموو بژاردەکان لەسەر مێزن دا بووە' و فێربوون چۆن ڕووبەڕووی ئەو فشارانە ببنەوە."

٠ ئەگەر ئامانجی دانوستانەکان گەیشتن بە ئەنجام بێت، دەبێت سازان هەبێت، هەرچەندە ئەوە بە بەشە سەختەکەی پرۆسەکەیە.

٠ گەلی ئێران بڕیاری داوە ئازاد بێت و ڕێگە نادات ئیرادەی دەرەکییان بەسەردا بسەپێنرێت.

٠ ئێران پەیامێکی نەرم بۆ دەستپێکردنی گفتوگۆکان دەنێرێت و ئامادەیە لەسەر پرسە تەکنیکییەکانی ئەتۆم کەمێک بچێتە دواوە، بەڵام داوای گەرەنتی و نەمانی هەڕەشەکان دەکات.