ئەردۆغان وەزیرانی داد و ناوخۆی تورکیا دەگۆڕێت

ئاڤا نیوز

بە بڕیارێکی ڕەجەب تەیب ئەردۆغان، سەرۆککۆماری تورکیا هەریەک لە عەلی یەرلیکایا، وەزیری ناوخۆ، یڵماز تونچ، وەزیری دادی تورکیا لە پۆستەکانیان بەخشران و دوو کەسی دیکە لە جێیان دەستنیشان کران.

بڵاوکراوەی فەرمی: ئەمڕۆ رۆژنامەی فەرمیی تورکیا بڵاویکردەوە، رەجەب تەیب ئەردۆغان، سەرۆککۆماری تورکیا، مستەفا چیفتچی، پارێزگاری ئەرزەڕۆم دەکاتە وەزیری ناوخۆ و ئاکن گورلەک، سەرۆکی داواکاریی گشتیی ئیستانبوڵ دەکرێت بە وەزیری داد.

بەگوێرەی زانیارییەکانی ڕۆژنامەی فەرمی تورکی، "ئەم گۆڕانکارییانە لە کاتێکدان پرۆسەی ئاشتی گەیشتووەتە قۆناغێکی نوێ، تورکیا بە پرۆسەیەکی سیاسی و یاسایی گرنگدا تێدەپەڕێت و چاوەڕێ دەکرێت وەزیرە نوێیەکان ڕۆڵی سەرەکیان لە جێبەجێکردنی پاکێجە یاساییەکانی داهاتوودا هەبێت."

زانیاریی زیاتر: هەریەک لە عەلی یەرلیکایا و یڵماز تونچ لەگەڵ پێکهێنانی دوایین کابینەی حکوومەتی تورکیا لە 4-6-2023ەوە دەستبەکار بوون و ئەمڕۆ چوارشەممەش 11-2-2026، کۆتایی بە کارەکانیان هێنرا؛ هەردووکیان دوو پۆستی وزاری لە حکومەتی تورکیا وەدەگرن کە پۆستی وەزارەتی ناوخۆ و وەزاراتی دادای تورکیایە. 

باکگراوند: مستەفا چیفتچی لە 1970، لە کۆنیا لەدایک بووە و دەرچووی بەشی کارگێڕیی گشتییە لە زانکۆی ئەنقەرە. شارەزاییەکی باشی لە کاروباری کارگێڕیدا هەیە و پێشتر پارێزگاری چۆروم و قائیمقامی پێنج قەزای جیاواز بووە. هاوکات، ئاکن گورلەک لە 1982 لە نێڤشەهیر لەدایک بووە و لە ساڵی 2005 کۆلێژی یاسای تەواو کردووە. پێشتر سەرۆکی هۆبەی 14ی دادگای سزا قورسەکانی ئەستەمبوڵ و یاریدەدەری وەزیری داد بووە.