ئەمریکا 21 وڵات وەکو ناوچەی مەترسیدار دەستنیشان دەکات

ئاڤا نیوز

ئەمریکا داوا لە هاوڵاتیانی دەکات گەشت بۆ عێراق، سووریا و ئێران چەند وڵاتێکی دیکە نەکەن، بەوتەی وەزارەتی دەرەوەی ئەمریکا بارودۆخی ناوخۆی ئەو وڵاتانە خراپن و 21 وڵات وەک ناوچەی مەترسیدار دەستنیشان دەکات. 

ڕاگەیێنراوی فەرمی: وەزارەتی دەرەوەی ئەمریکا، ڕاگەیێنراوێکی فەرمی بڵاوکردەوە و هۆشداریی دەداتە هاووڵاتیانی گەشت بۆ ژمارەیەک وڵاتی جیهان نەکەن و بە مەترسیدار ناویان دەبات. وەزارەتی دەرەوەی ئەمریکا دەشڵێت: "بەهۆی خراپی بارودۆخی ناوخۆیی، ناسەقامگیری ئەمنی و نەبوونی توانای پێویستی باڵیۆزخانەکانی ئەمریکا بۆ پێشکەشکردنی هاوکاریی بە هاووڵاتییانیان، وەک ناوچەی مەترسیدار ئەو وڵاتانەی پۆلین کردووە.

٠ بە هیچ جۆرێک و بۆ هیچ مەبەستێک گەشت بۆ ئەو وڵاتانە مەکەن.

٠ هاوڵاتیانیان پابەندی ئەم ڕێنماییانە بن و ژیانی خۆیان نەخەنە مەترسییەوە.

٠ لە ئەگەری ڕوودانی هەر کێشەیەکدا، حکومەتی ئەمریکا توانایەکی سنوورداریی هەیە بۆ پاراستن یان گەڕاندنەوەیان.

زانیاریی زیاتر: بەگوێرەی ڕاگەیێنراوی وەزارەتی دەرەوەی ئەمریکا، ئەو وڵاتانەی بە ناوچەی مەترسیدار دەستنیشان هەریەک لە عێراق، سووریا، ئێران، لوبنان، ڕووسیا و ئەفغانستان و 15 وڵاتی دیکەن.

 

ناوی سەرجەم ئەو وڵاتانەی لە لیستی وەزارەتی دەرەوەی ئەمریکا وەکو ناوچەی مەترسیدار دەستنیشانکراون: 

عێراق - سووریا - لوبنان - یەمەن - ئەڤغانستان - لیبیا - ئێران - بۆرما - کۆریای باکوور - باشووری سوودان - ئۆکرانیا - ڕووسیا - بیلارووسیا - ڤەنزەوێلا - سوودان - مالی - بۆرکینا فاسۆ - ناوەڕاستی باشووری ئەفریقا - هایتی - نەیجەر - سۆماڵیا.