شاسوار عەبدولواحید: تاوەکو ئێستا هیچ ڕێککەوتنێکی نووسراومان لەگەڵ یەکێتی نییە

ئاڤا نیوز

سەرۆکی جووڵانەوەی نەوەی نوێ دەڵێت، تاوەکو ئێستا هیچ ڕێککەوتنێکی نووسراومان لەگەڵ یەکێتی نییە، بەڵام لێکگەیشتنمان هەیە و کۆبوونەوەی دیکەشمان لەگەڵ یەکێتی دەبێت.

چیرۆکی سەرەکی: ئەمڕۆ شەممە، شاسوار عەبدولواحید، سەرۆکی جووڵانەوەی نەوەی نوێ کۆنگرەیەکی رۆژنامەوانی سەبارەت بە چەند پرسێک بە تایبەت پێکهێنانی کابینەی دەیەم و ڕێککەوتنیان لەگەڵ یەکێتی نیشتمانی کوردستان سازکرد.

لێدوانی ڕۆژنامەوانی: شاسوار عەبدولواحید، سەرۆکی جووڵانەوەی نەوەی نوێ لە کۆنگرەیەکی ڕۆژنامەوانیدا ڕایگەیاند، ماوەی ساڵێک و چەند مانگێکە هەڵبژاردن لە هەرێمی کوردستان کراوە و تا ئێستا حکومەت پێکنەهێنراوە. ئێمە تاوەکو ئێستا هیچ ڕێککەوتنێکی نووسراومان لەگەڵ یەکێتی نییە، بەڵام لێکگەیشتنمان هەیە و کۆبوونەوەی دیکەشمان لەگەڵ بافڵ تاڵەبانی و وەفدی یەکێتی دەبێت".

٠ ئەو پرۆژەیەی بۆ پێکهێنانی حکومەت کە پێشکەشی یەکێتی نیشتمانی کوردستانیان کردووە، بۆ گۆڕینی باڵانسی هێزە لە هەرێمی کوردستان و دەڵێت، جگە لەوەش، "دەمانەوێت لە هەرێمی کوردستان یاسای بودجەمان هەبێت و پارە و داهاتی کوردستان دیار بێت".

٠ ئەگەر یەکێتی لەگەڵ نەوێ ڕێککەوتن بکات، بۆ خۆی زۆر باش دەبێت، بەڵام ئەگەر دیسان بە تەنیا لەگەڵ پارتی ڕێکبکەوێتەوە، ئەوا ئارەزووی خۆیەتی.

٠ ئەگەر ڕێککەوتنەکەی یەکێتی و نەوەی نوێ سەربگرێت، لە بەرژەوەندی هەموو کوردستان دەبێت.