سەرۆکی هەرێمی کوردستان و مارکۆ ڕۆبیۆ کۆبوونەوە

ئاڤا نیوز

سەرۆکی هەرێمی کوردستان لەگەڵ وەزیری دەرەوەی ئەمریکا کۆبووەوە و سوپاسی هەوڵەکانی ئەمریکای کرد بۆ بەردەوامی پشتگیرییەکانی بۆ عێراق و هەرێمی کوردستان.

چیرۆکی سەرەکی: ئەمڕۆ شەممە، لە میانی کۆنفرانسی ئاسایشی میونشن، نێچیرڤان بارزانی، سەرۆکی هەرێمی کوردستان لەگەڵ مارکۆ ڕۆبیۆ، وەزیری دەرەوەی ئەمریکا کۆبووەوە.

بڵاوکراوەی فەرمی: دوای کۆبوونەوەکە، سەرۆکی هەرێمی کوردستان لە تۆڕی کۆمەڵایەتی ئێکس بڵاوی کردەوە، سوپاسی مارکۆ ڕۆبیۆم کرد بۆ بەردەوامیی پشتگیرییەکانی ئەمریکا بۆ عێراق و هەرێمی کوردستان.

٠ جەختم لە قووڵیی هاوبەشیی ستراتیژیمان کردەوە کە لەسەر بنەمای بەرژەوەندیی هاوبەش و پابەندیی پێکەوەیی بۆ سەقامگیریی ناوچەکە بنیاد نراوە.

ڕاگەیێنراوی فەرمی: سەرۆکایەتی هەرێمی کوردستان بڵاوی کردەوە، وەزیری دەرەوەی ئەمه‌ریکا جەختی لە پابەندیی وڵاتەکەی بۆ پشتگیرى له‌ عێراق و هەرێمی کوردستان و پاراستنى ئارامى و سه‌قامگيرى له‌ ناوچه‌كه‌ كرده‌وه‌، هه‌روه‌ها ستایشی پێگەی هەرێمی کوردستانی وەک هاوبەشێکی سەرەکی و فاکتەری سەقامگیری، كرد.

دۆخى سووريا و مافه‌كانى كورد له‌و وڵاته‌، له‌گه‌ڵ دوایین پێشهاته‌كانى ناوچه‌كه‌، تەوەرێکی دیکەی کۆبوونه‌وه‌کە بوو. تێيدا هه‌ردوولا جه‌ختيان له‌ پاراستنى مافه‌كانى كورد و پێكهاته‌كان له‌ سووريايه‌كى يه‌كگرتوودا كرده‌وه‌.