لیستی مووچەی مانگی چوار ڕەوانەی بەغدا دەکرێت

ئاڤا نیوز

وەزارەتی دارایی و ئابووری هەرێمی کوردستان لیستی مووچەی مانگی چوار ڕەوانەی بەغدا دەکات.

لێدوانی فەرمی: مەولوود سابیر، بەڕێوەبەری بانکە بازرگانییەکان بە ئاڤا نیوزی گوت: لە ماوەی 24 کاتژمێری داهاتوودا لیستی مووچەی مانگی چوار ئامادە دەکرێت و ڕەوانەی بەغدا دەکرێت.

بۆچی گرنگە: عێراق 22ـی مانگ دەست بە دابەشکردنی مووچە دەکات، هاوکات وەزارەتی دارایی و ئابووری حکومەتی هەرێمی کوردستان لەگەڵ گەیشتنی پارە ڕاستەوخۆ دەست بە دابەشکردنی مووچە دەکات.

وێنە گەورەکە: دوای ڕێککەوتنی سەرۆکوەزیران مەسرور بارزانی و سوودانی، پرسی مووچە بەیەکجاری چارەسەر کراوە و بڕیارە لەمەودوا  لە سەرجەم کێشەکان جیابکرێتەوە و مانگانە لە کاتی خۆیدا بنێردرێت.