كۆمیسیۆن وادەی دەستپێكردنی بانگەشەی هەڵبژاردن دیاری دەکات

ئاڤا نیوز

كۆمیسیۆنی باڵای سەر بەخۆی هەڵبژاردنەكانی عێراق وادەی دەستپێكردنی بانگەشەی هەڵبژاردنی پەرلەمانی كوردستانی دیاری كرد.

وێنە گەورەکە:  ڕۆژی 10-6-2024 بۆ هەڵبژاردنی پەرلەمانی کوردستان دیاریکراوە، هەرچەندە چاوەڕوانناکرێت هەڵبژاردن لەو وادەیەدا بکرێت، بەهۆی ئەوەی پارتی و زیاتر لە 10 لایەنی سیاسیی پێکهاتەکان لە بڕیاری دادگەی فیدراڵیی عێراق بۆ شێوازی هەڵبژاردن ناڕازین و بەوشێوەیە بەشداریی ناکەن.

لێدوانی فەرمی: جومانە غەلای، گوتەبێژی كۆمیسیۆنی هەڵبژاردنەكان بە ئاڤا نیوزی ڕاگەیاند: بەگوێرەی خشتەی کار بانگەشەی هەڵبژاردن لە 10-05-2024 دەستپێدەكات.

زانیاریی زیاتر: بانگەشەی هەڵبژاردن تاوەکو ڕۆژی 05-06-2024 بەردەوام دەبێت و لە بەرواری 06-06-2024 كۆتایی دێت.