بۆكان جاف لەبارەی ئاڵای تاجیكستانەوە داواكارییەكی لە خەڵكی كوردستان هەیە

ئاڤا نیوز

بۆکان جاف، چالاکی سۆشیاڵ میدیا و  دامەزرێنەری کۆمەڵەی گووگڵ کراودسۆرس و دامەزرێنەری زمانی کوردی و شێوەزاری سۆرانی لە وەرگێڕی گووگڵ، داوایەکی لە خەڵکی کوردستان هەیە سەبارەت بە دانانی ئیمۆجی ئاڵای تاجیکستان کە بۆ زیادکردنی ئاڵای کوردستانە لە تۆڕە کۆمەڵایەتییەکان.

لێدوانی فەرمی: بۆکان جاف،  چالاکی سۆشیاڵ میدیا و دامەزرێنەری کۆمەڵەی گووگڵ کراودسۆرس بە ئاڤا نیوزی گوت:" هەڵمەتی دانانی ئیمۆجی ئاڵای تاجیکستان لە 21-3-2024 دەستیپێکرد تاوەکو 21-4-2024 بەردەوام دەبێت پێویستە خەڵکی کوردستان تا کاتژمێر 12 ی ئەمشەو بەردەوام بن لە دانانی ئیمۆجییەکە". 

زانیاریی زیاتر: بۆکان جاف دەڵێت " دانانی ئاڵای تاجیکستان تەنیا وەک تاقیکاری بەکارهاتووە و دواتر دەنێردرێت بۆ لایەنی پەیوەندیدار، چونکە ئێمە ناتوانین لەڕووی یاساییەوە ئاڵای کوردستان بۆ سۆشیاڵ میدیا زیاد بکەين و کەمپەینەکەش بۆ گۆڕانکاری بوو تا لایەنی پەیوەندیدار وەڵاممان بداتەوە".

ئەوەی پێویستە بیزانیت: بۆکان جاف داوا دەکات دوای ئەم کەمپەینە خەڵک ئاڵای کوردستان و جلوبەرگی کوردی دابنێن، داوا لە ڕێکخراوەکانی کۆمەڵگەی مەدەنی و کەسانی ناوداریش دەکات بەشداری لەم هەڵمەتە بکەن، چونکە وەک ئەو دەڵێت "کارەکە پێشتر سەرکەوتوو نەبووە و دوای ئەوەش بەکارهێنانی هیچ کاریگەری نابێت".

بۆچی گرنگە:ئەگەر کەمپەینەکە سەربگرێت، لە تۆڕە کۆمەڵایەتییەکان هاووڵاتییان دەتوانن ئیمۆجی ئاڵای کوردستان بەکاربهێنن.