تەرمی سێیەم قوربانی لافاوەکەی دهۆک دۆزرایەوە

ئاڤا نیوز  

دوای زیاتر لە مانگێک گەڕان و بەدواداچوون، سێیەم تەرمی بێسەرووشوێنبووی لافاوەکەی دهۆک دۆزرایەوە.

وێنە گەورەکە: ڕۆژی 19-03-2024 لافاو سنووری پارێزگای دهۆکی گرتەوە، بەهۆیەوە سێ هاونیشتیمانی گیانیان لەدەست دا، زیاتر لە دوو هەزار خانوو و 200 ئۆتۆمبێل زیانیان بەرکەوت.

لێدوانی فەرمی: ئیدریس شەمۆ، باوکی ڕۆژڤان ئەو گەنجەی لە لافاوەکەی دهۆکدا گیانی لە دەستدا بە ئاڤا نیوزی گوت: "نیوەڕۆی ئەمڕۆ تەرمی کوڕەکەم لە دۆمیز لە نزیک بەنداوی مووسڵ دۆزرایەوە، ئێستا ناردوویانە بۆ پزیشکی داد لە دهۆک".

ئەوەی پێویستە بیزانیت: ڕۆژانی 28 ئادار و حەوتی نیسان لە لایەن تیمەکانی بەرگری شارستانی دهۆک، تەرمی دوو لە قوربانییەکانی لافاوەکە دۆزرانەوە کە مام و برازایەک بوون.

 

وێنەی سێیەم قوربانی