بەڕێوەبەری هەژمارە بانکییەکان لە بانکی FIB: پڕۆژەی هەژماری من سەرکەوتووە

ئاڤا نیوز

 

بەڕێوەبەرێک لە بانکی FIB دەڵێت، پێشوازیی خەڵک لە سیستمی بانکی و دیجیتاڵی لە ئاستێکی زۆر باشدایە و "هەژماری من گرنگ و سەرکەوتووە."

 

لێدوانی فەرمی: دیاکۆ حەمەتاهیر، بەڕێوەبەری هەژمارە بانکییەکان لە بانکی FIB، لە چاوپێکەوتنێکدا لەگەڵ ئاڤا نیوز ڕایگەیاند، پێشوازی خەڵکی لە سیستمی بانکی و دیجیتاڵی زۆر باشە، لە سەرتاسەری عێراق نزیکەی 700 هەزار بەکارهێنەر لە FIB هەیە و ڕۆژانە پێنج هەزار بەکارهێنەر زیاد دەبێت.

 

زانیاری زیاتر: دیاکۆ حەمەتاهیر هەوڵەکەی سەرۆکوەزیران بارزانی بۆ کاراکردنی سیستمی بانکی لە هەرێمی کوردستان بە گرنگ دەزانێت و دەڵێت: پڕۆژەی "هەژماری من" بەسەرکەوتوو دەبینین کە بتوانێت مووچە و داهاتی خەڵک لە نەختینەوە بگۆڕێت بۆ دیجیتاڵی.