ل دهۆکی بەرێ بناغەی بۆ هژمارەکا پرۆژەیێن خزمەتگوزاری هاتە دانان

ئاڤا دیجیتاڵ

 

ل پارێزگەها دهۆکێ، کۆژمێ پێنج ملیار و نیو دیناران بۆ یاریگەها سێمێلێ و 20 ملیار دینار ژی بۆ هژمارەکا پرۆژەیێن خزمەتگوزاری ل سەنتەرێ دهۆکێ هاتنە تەرخانکرن. 

 

چیرۆکا سەرەکی: ب پشتەڤانیا حکومەتا هەرێما کوردستانێ ئەڤرۆ پێنجشەمبیێ 25-1-2024، ل تاخێ تەناهیێ دهۆکێ ب کۆژمێ پتری 20 ملیار دیناران بەرێ بناغەی بۆ چێکرنا چار رێکێن سەرەکی و چەندین پرۆژەیێن خزمەتگوزاری هاتە دانان.

 

داخۆیانیا فەرمی: دەربارەی وان پرۆژەیان عەلی تەتەر، پارێزگارێ دهۆکێ بۆ ئاڤا میدیا راگەهاند: چێکرنا وان رێکێن کو رۆژهەلات و رۆژئاڤایێ دهۆکێ پێکڤە گرێددەت گەلەک مفا بۆ وەلاتیێن وێ دەڤەرێ هەیە و ئەڤرۆ بەرێ بناغەی بۆ هاتیە دانان.

 

زانیاریێن زێدەتر: ژبلی خزمەتگوزاریان هەر لسەر ئەرکێ حکومەتا هەرێما کوردستانێ ب کۆژمێ پێنج ملیار و نیو دیناران، یارگەهەکا وەرزشی ل سێمێلێ دێ هێتە چێکرن. ئەڤە ژی هەر ب گوتنا پارێزگارێ دهۆکێ.

 

باکگراوند: کابینەیا نەهێ یا حکومەتا هەرێما کوردستانێ ل دەمێ دەستبکاربوونا خۆ و هەتا نوکە، ب کۆژمێ یەک ترلیۆن و 35 ملیار دیناران، 932 پرۆژەیێن جودا ل کەرتێن ڕێکوپران و کارەب و ئاڤ، چاندن و ساخلەمی و پەروەردێ ل سنورێ پارێزگاها دهۆکێ ئەنجامداینە.