ئەمساڵ چوار بەنداوی نوێی ستراتیژی لە هەرێمی كوردستان دەست بە دیزاینكردن و دروستكردنییان دەكرێت

ئاڤا دیجیتاڵ

 

وەزیری كشتوكاڵ و سەرچاوەكانی ئاوی حكومەتی هەرێمی كوردستان ڕایگەیاند لەگەڵ حكومەتی فیدراڵی بۆ دروستكردنی چوار بەنداوی ستراتیژی لە هەرێمی كوردستان رێككەوتنیان كردووە ، ئەمساڵ دەست دەست بە دیزاینكردن و بە دروستكردنییان دەكرێت.

چیرۆكی سەرەكی: بێگەرد تاڵەبانی وەزیری كشتوكاڵ و سەرچاوەكانی ئاو بە ئاڤا میدیای گوت " لەگەڵ حكومەتی فیدراڵی بۆ دروستكردنی چوار بەنداوی ستراتیژیی لە هەرێمی كوردستان رێككەوتنیان كردووە". 

 

" لەگەڵ حكومەتی فیدراڵی بۆ دروستكردنی چوار بەنداوی ستراتیژی لە هەرێمی كوردستان رێككەوتنیان كردووە ، ئەمساڵ دەست دەست بە دیزاینكردن و بە دروستكردنییان دەكرێت، بێگەرد تاڵەبانی، وەزیری كشتوكاڵ و سەرچاوەكانی ئاوی حكومەتی هەرێمی كوردستان وای گوت.

 

ئەوەی پێویستە بیزانیت : حكومەتی هەرێمی كوردستان سەرباری قەیرانەكان هەشت بەنداوی مامناوەندیی دروستكردووە، بەردەوامیش دەبن لە گلدانەوەی ئاو لە رێگەی دروستكردنی پۆندەوە.

 

باكگراوند: لە هەرێمی كوردستان بە گشتی 23 بەنداو هەن، بە مەبەستی بەرهەمهێنانی كارەبا، ئاودێری، گەشتیاری و چەندین بواری تر سوودیان لێ وەردەگیرێت. ئەو هەنگاوانەی كابینەی نۆیەمی حكومەتی هەرێمی كوردستانە بۆ پارێزگاریكردنە لە ئاو و خۆپاراستنە لە كاریگەرییەكانی وشكەساڵی.

 

زانیاری زیاتر: حكومەتی هەرێمی كوردستان ڕۆژی 24-01-2023 ڕایگەیاند: بەهۆی دروستكردنی بەنداوەكان و بارانبارینەكەی ئەمساڵەوە بەشێكی زۆر لە بەنداوە بچووكەكان سەرڕێژ بوونە و ئاوێكی زۆریشیان گلداوەتەوە، بەنداوەكانی دێوانە، خنس، سماقوڵی، ئاوەسپی و چەمیسمۆر ئەمساڵ سەرڕێژ بوونە، لە ساڵی 2024، كۆی گلدانەوەی ئاو لە هەرێمی كوردستان، بۆ زیاتر لە سێ ملیارمەتر سێجا بەرز بووەتەوە، لە كاتێكدا لە ساڵی 2023، زیاتر لە دوو ملیار مەتر سێجا ئاو گلدرابووەوە.