سەرۆك بارزانی بە بۆنەی جەژنی قەوڵتاسی كاكەییەكان جەخت لە پێكەوەژیان دەكاتەوە

ئاڤا دیجیتاڵ

سەرۆك بارزانی، لە پەیامێكدا بەبۆنەی هاتنەوەی جەژنی (قەوڵتاس) ی كاكەییەكان وێڕای پیرۆزبایی لە كاكەییەكان، جەخت لە بەهێزتركردنی كولتووری پێكەوەژیانی گەلی كوردستان و پاڵپشتیكردنی ماف و داواكانی پێكهاتەكان دەكاتەوە.

چیرۆكی سەرەكی: سەرۆك بارزانی، پەیامێكی بەبۆنەی جەژنی  قەوڵتاس بڵاوكردەوە كە تێیدا هاتووە " بەناوی خودای بەخشندە و میهرەبان بە بۆنەی هاتنەوەی جەژنی (قەوڵتاس)ـی كاكەییەكان پیرۆزبایی خۆم ئاراستەی سەرجەم خوشك و برایانی كاكەیی لە كوردستان و هەموو جیهان دەكەم.

سەرۆك بارزانی لەپەیامەكەیدا دەشڵێت "هیوادارم خوشك و برا كاكەییەكانمان و تێكڕای پێكهاتە ئایینی و نەتەوەییەكانی كوردستان هەردەم جەژن و بۆنەكانیان لە ئارامی و خۆشیدا بكەنەوە".

"لەو بۆنەیەدا جەخت لە بەهێزتركردنی كولتووری پێكەوەژیانی گەلی كوردستان و پاڵپشتیكردنی ماف و داواكانی پێكهاتەكان دەكەینەوە". سەرۆك بارزانی وادەڵێت.