ئەپیکور بۆ ئاڤا نیوز: ئامادەین بۆ هەناردەکردنەوەی نەوتی هەرێمی کوردستان

ئاڤا نیوز

 

ئەپیکور بەردەوام لە هەوڵدایە بۆ گەیشتنە ڕێککەوتنێک لەبارەی دەستپێکردنەوەی هەناردەی نەوتی هەرێمی کوردستان بۆ تورکیا و ئامادەیی خۆشی بۆ هەناردەکردنەوەی نەوت ڕادەگەیێنێت. 

 

وێنە گەورەکە: دوای سەردانەکەی ڕەجەب تەیب ئەردۆغان بۆ هەرێمی کوردستان و عێراق، کۆمەڵەی پیشەسازییی نەوتی کوردستان (ئەپیکور)، هیوای هەناردەکردنەوەی نەوتی هەرێمی کوردستان لە ڕێگەی بۆڕییە نەوتییەکانی عێراق دەخوازێت.

 

لێدوانە فەرمییەکان: مایڵز کاگینز ـ گوتەبێژی ئەپیکور بە ئاڤا نیوزی ڕاگەیاند ''هەفتەی ڕابردوو بەرپرسانی هەرێمی کوردستان، عێراق و ئەمریکا باسیان لە گرنگی دەستپێکی هەناردەکردنەوەی نەوتی هەرێمی کوردستان لە ڕێگەی بەندەری جەیهانی تورکیا کردووە، هیوادارین سەردانەکەی ئەردۆغانیش هەنگاوی سەرەکی بێت بۆ ئەم پرسە. 

 

زانیاریی زیاتر: ئەپیکور و سەرجەم کۆمپانیا ئەندامەکان، ئامادەن دەست بە هەناردەکردنەوەی نەوت بکەن بەو مەرجانەی ئێستا بەردەستن، ئەپیکور جەختی کردەوە کە دەستپێکی هەناردەکردنەوەی نەوت لە بەرژەوەندیی خەڵکی هەرێمی کوردستان و عێراقدایە.