میدیاكانی توركیا بە گرنگییەوە باسی سەردانەكەی ئەردۆغان دەكەن

ئاڤا نیوز

 

سەردانەکەی ڕەجەب تەیب ئەردۆغان سەرۆککۆماری تورکیا بۆ هەولێر، یەکێک بوو لە ڕۆژەڤە گەرمەکانی میدیاکانی جیهان و تورکیا، بەشێک لە میدیاکانی تورکیا دەڵێن هەرێمی کوردستان خاڵێکی گرنگی سەردانەکە بووە.

وێنە گەورەکە: میدیاکانی تورکیا  زۆر بەگرنگییەوە باسی سەردانەکەی ئەردۆغانیان بۆ هەولێری پایتەختی هەرێمی کوردستان کرد، باس لەوەدەکەن سەردانی ئەردۆغان بۆ هەولێر بە مانای سەقامگیری، ئاسایش، ئاشتی  و گرنگی هەولێر و هەرێمی کوردستان دێت.

زانیاریی زیاتر: ماڵپەڕی ئایدنلکی تورکی:" ئاشتی و سەقامگیری ناوچەکە، تەوەرێکی گرنگی کۆبوونەوەی ئەردۆغان بوو لە هەولێر".

سی ئێن ئێن تورک: ئەو پێشوازییە گەورەیە و ئەو رێوڕەسمەی بۆ ئەردۆغان کراوە، وەکو ئەوە وایە دەوڵەتێک ئەو رێوڕەسمەی کرد بێت.

تی ئاڕ تی خەبەر: لە هەولێر پێشوازییەکی زۆر گەرم و گرنگ لە سەرۆکی تورکیا کرا.

ئانها هەبەر: لە هەولێر بە پڕۆتۆکۆلی گەورەوە پێشوازی لە ئەردۆغان کرا و ئەمەش گرنگی هەولێر دەردەخات.

ئەوەی پێویستە بیزانیت: قەبارەی بازرگانی نێوان عێڕاق و تورکیا نزیک بووەتەوە لە 20 ملیار دۆلار و زۆربەی ئەو ئاڵوگۆڕی بازرگانییە لە رێگەی خاکی هەرێمی کوردستانەوەیە.