نرخی وەرگرتنی گەنمی ئەمساڵ دیاری کرا

ئاڤا نیوز  

حکومەتی عێراق نرخی وەرگرتنی گەنمی بۆ هەر تۆنێک دیاری کرد و لە وەرزی ئایندەشدا ئەو زەوییانەی بە سیستمی ئاودێریی مۆدێرن دەچێنرێن، نرخی باشتریان پێ دەدرێت.

ڕاگەیێنراوی فەرمی: سەرۆکوەزیرانی عێراق نرخی وەرگرتنی یەک تۆن گەنمی بە 850 هەزار دینار دیاری دەکات، لە وەرزی ئایندەشدا نرخی ئیمتیاز بۆ ئەو زەویانە دەبێت کە بە سیستمی ئاودێریی مۆدێرن دەچێنرێن.

لێدوانی فەرمی: نەوزاد كاميل ــ بەڕێوەبەری گشتی بازرگانیی هەرێمی كوردستان بۆ ئاڤا نیوز گوتی: بە هەمان ئەو نرخە گەنم لە جووتیارانی هەرێمی کوردستانیش وەردەگیرێت، بەڵام جارێ تەنها گەنم لە شارەکانی خواروو و ناوەڕاستی عێراق وەردەگیرێت و هێشتا لە هەرێمی کوردستان دەستی پێ نەکردووە.

ژمارەکان وادەڵێن: بە پێی ڕووپێوی سەتەلایتی، لە هەرێمی کوردستان دوو ملیۆن و 900 هەزار دۆنم بە گەنم چێنراوە، پێشبینی دەکرێت بەرهەمەکەی نزیکەی یەک ملیۆن و 500 هەزار تۆن بێت.

ئەوەی پێویستە بیزانیت: ئاڤا نیوز پێشتر ئەوەی ئاشكرا كرد بڕیارە دوای جەژن شاندێکی وەزارەتی کشتوکاڵ سەردانی بەغدا بکات و لەگەڵ لایەنە پەیوەندیدارەکان کۆ ببێتەوە، بە ئامانجی وەرگرتنی سەرجەم گەنمی جووتیاران.