زاخۆ و دەوحە پەیوەندییە ئابوورییەکانیان پەرە پێدەدەن، دەبنە دەستەخوشک

ئاڤا نیوز

شاندێک لە قەتەرەوە، بەمەبەستی بەدەستەخوشک ناساندنی زاخۆ و دەوحە سەردانی هەرێمی كوردستان دەكەن.

چیرۆکی سەرەکی: چەند ڕۆژێکە بە سەرپەرشتی گوهدار شێخۆ، سەرپەرشتیاری ئیدارەی سەربەخۆی زاخۆ، شاندێکی ئیدارەکە بە مەبەستی پێشخستنی و برەودان بە پەیوەندییەکان سەردانی قەتەریان کردووە.

ڕاگەیێنراوی فەرمی: ئیدارەی سەربەخۆی زاخۆ ڕایگەیاند: ئەمڕۆ لە بەردەوامی دیدارەکانمان، گوهدار شێخۆ،  لەگەڵ سەرۆکایەتیی شارەوانی دەوحە کۆبونەوە و بڕیاردراوە شاری زاخۆ ببێتە دەستەخوشکی دەوحە، لە داهاتوویەکی نزیکدا کار بۆ ئەم مەبەستە دەکرێت.

لە لایەكی دیكەوە: نوح سلێمان، پەیامنێری ئاڤا نیوز ڕایگەیاند: بەڕێوەبەرایەتی گشتیی شارەوانییەکانی دەوحە، کە هەشت شارەوانی لەخۆدەگرێت لەسەر داوەتنامەی سەرپەرشتیاریی ئیدارەی زاخۆ، بەمەبەستی بەدەستەخوشک ناساندنی هەردوو شارەکە سەردانی زاخۆ دەکەن."

وێنە گەورەكە: پەیوەندییەکانی نێوان هەرێمی کوردستان و قەتەر پێی ناوەتە قۆناغێکی نوێ، ڕۆژی 31-10-2023، حوسێن بن عەلی فەزالە،  وەک کونسوڵی قەتەر لە هەولێر دەست بە کار بوو.