لە ماوەی هەفتەیەکدا مووچەی مانگی چوار دابەش دەکرێت

ئاڤا نیوز

 

وردبینی لیستی مووچەی مووچەخۆرانی هەرێمی کوردستان لە بەغدا تەواوە بووە و دوای ناردنی پارەکە، دەست بە دابەشکردنی مووچە دەکرێت. 

 

وێنە گەورەکە: لە چوارچێوەی لێکتێگەیشتنی هەردوو سەرۆکوەزیران بارزانی و سوودانی بۆ چارەسەرکردنی کێشەی مووچە، لە بەرامبەر ئەو نەوتەی هەرێمی کوردستان بە بەغدای دەدات، مانگانە پارە بۆ دابەشکردنی مووچە دەنێردرێت.

 

گرنگ: بەپێی زانیارییەکانی ئاڤا نیوز، وەزارەتی دارایی عێراق پڕۆسەی وردبینی لە لیستی مووچەخۆران تەواو کردووە.

 

لێدوانی فەرمی: مەولوود سابیر، بەڕێوەبەری گشتیی بانکە بازرگانییەکانی هەرێمی کوردستان بە ئاڤا نیوزی ڕاگەیاند: "دوای ناردنی پارەکە لە ماوەی یەک هەفتەدا سەرجەم مووچەخۆران مووچەی مانگی چوار وەردەگرن".