لە هەڵەبجە هەلی دامەزراندن بە شێوەی گرێبەست ڕادەگەیێنرێت

ئاڤا نیوز

وەزارەتی کشتووکاڵ و سەرچاوەکانی ئاوی حكومەتی هەرێمی كوردستان، لە سنووری پارێزگای هەڵەبجە هەلی دامەزراندن بە شێوەی گرێبەست ڕادەگەیێنێت بۆ چەند بەڕێوەبەرایەتییەک.

ڕاگەیێنراوی فەرمی: ئەم هەلی کارە بۆ بەڕێوەبەرایەتی گشتی کشتووکاڵی هەڵەبجە، بەڕێوەبەرایەتی سەرچاوەکانی ئاوی هەڵەبجە، بەڕێوەبەرایەتی ڤێتێرنەری هەڵەبجە، بەڕێوەبەرایەتی دارستان و پاوانی هەڵەبجەیە.

زانیاریی زیاتر: ئەم فۆڕمە تەنها بۆ ئەو کەسانەیە کە پسپۆڕی و ئاستی بڕوانامەکانیان لە خوارەوە ئاماژەی پێکراوە.

‎ئەوەی پێویستە بیزانیت: دەبێت ئەو کەسە دانیشتووی سنووری پارێزگای هەڵەبجە بێت، دەبێت زانیارییەکان بە زمانی کوردی تۆمار بکرێت، هەر هەڵەیەک لە فۆرمەكە هەبێت پوچەڵ دەکرێتەوە، دەبێت بە ڕەگەز عێڕاقی بێت. لە هەر خێزانێک یەک کەس دەتوانێت سوودمەند بێت،  دەبێت خوازیار خوێندکار نەبێت لە هیچ ئاستێک.

پێدراوە ڕاستەکان: پسپۆرییە داواکراوەکان بریتین لە:

-ئەندازیاری کشتووکاڵی
-ڕابەری کشتووکاڵی/دبلۆم
- ئەندازیاری ئاودێری
-پزیشکی ڤێتێرنەری / بەکالۆریۆس 
-یاریدەدەری پزیشکی ڤێتێرنەری/ دبلۆم
- جیۆلۆجی
- یاسا
- کارگێڕی/ بەکالۆریۆس
- کارگێری /دبلۆم
- ژمێریاری/بەکالۆریۆس
- روپێو
- شوفێر

ئەمەش بزانە: لینکی ناو تۆمار کردن تا پێنج  شەممە 2-5-2024 کاتژمێر 12:00 نیوەڕۆ کراوە دەبێت.