شاندێکی حکومەتی هەرێمی کوردستان سەردانی بەغدا دەکات

ئاڤا نیوز  

سەرەتای هەفتەی ئایندە شاندێکی حکومەتی هەرێمی کوردستان، بۆ گفتوگۆکردن لەسەر پرسی دارایی و وزە دەگاتە بەغدا. 

زانیاریی بەدەستهاتوو: بەپێی زانیارییەكانی ئاڤا نیوز، ئەو شاندە ڕۆژی یەکشەممە دەچنە بەغدا، نوێنەری ئەنجوومەنی وەزیران و  وەزارەتەکانی دارایی و ئابووری و سامانە سرووشتییەکانی تێدایە، لەگەڵ هاوتاکانیان لە حكومەتی عێراق کۆدەبنەوە.

بابەتی ستراتیژی: ئامانجی سەردانی شاندەکە، قسەکردنە لەسەر داهاتی نانەوتی هەرێمی کوردستان و ئەو میکانیزمانەی کە حکومەتی هەرێمی کوردستان بۆ پابەندییەکانی خۆی لەچوارچێوەی یاسا و دەستوور دەیانخاتەڕوو.

ذ
وێنە گەورەكە: سەردانی شاندەكە لەكاتێكدایە، بەغدا بۆ مانگی نیسان هێشتا پارەی مووچەی ڕەوانەی هەرێمی كوردستان نەكردووە، لەكاتێكدا سەرۆكوەزیران بارزانی و محەممەد شیاع سوودانی ڕێككەوتوون مووچە لە بابەتی سیاسی جیا بكرێتەوە، هاوكات دادگەی باڵای فیدراڵیی عێراق بڕیاری داوە مانگانە لەكاتی خۆیدا مووچەی مووچەخۆرانی هەرێمی كوردستان بنێردرێت.