هۆشداری لە پڕبوونی بەنداوی دەربەندیخان دەدرێت

ئاڤا نیوز

بەهۆی نزیک بونەوە لە سەرڕێژبوونی بەنداوی دەربەندیخان، قایمقامیەتی قەزای دەربەندیخان هۆشداری دەدات و دەڵێت " تەنیا 17 سانتیمەتر ماوە بۆ ئەوەی بەنداوەكە سەرڕێژببێت".

ڕاگەیێنراوی فەرمی: قایمقامیەتی قەزای دەربەندیخان ئاگادارییەکی بڵاوکردەوەو ڕایگەیاند: بەهۆی باران بارین و ئەگەری سەرڕێژبوونی دەریاچەی دەربەندیخان لەچەند ڕۆژی داهاتوودا، ئاگاداری هاووڵاتیانی نزیک ڕووباری سیروان دەکەین بەهۆی زۆری بەردانەوەی ئاوەوە ئاگاداری خۆیان و جێگاکانیان بن و بۆ ئەوەی سەلامەت و پارێزراوبن.

لێدوانی فەرمی: سامان ئیسماعیل، بەڕێوەبەری بەنداوی دەربەندیخان بە ئاڤا نیوزی ڕاگەیاند:  بە بەردەوامی ئاو دێتە بەنداوی دەربەندیخانەوە و تەنها 17 سانتیمەتری ماوە بۆ ئەوەی سەرڕێژببێت".

وێنە گەورەكە: بەنداوی دەربەندیخان توانای گلدانەوەی سێ ملیار مەتر سێجا ئاوی هەیە و ئاو بۆ بەشێك لە دانیشتووانی هەرێمی كوردستان دابین دەكات.