لەسەر فەرمانی سوودانی لێکۆڵینەوە لە هێرشەکەی سەر کێڵگەی کۆرمۆر دەکرێت

ئاڤا نیوز

شانەی ڕاگەیاندنی ئەمنیی عێراق ڕایگەیاند، "لەسەر فەرمانی سەرۆکوەزیرانی عێراق، لێکۆڵینەوە لە هێرشەکەی سەر کێڵگەی کۆرمۆر دەکرێت".

 

وێنە گەورەکە: لەسەر داوای فەرماندی گشتی هێزە چەکدارییەکانی عێراق، فەرماندەی ئۆپەراسیۆنە هاوبەشەکان لیژنەیەکی تەکنیکی بۆ لێکۆڵینەوە و ئاشکراکردنی بکەرانی هێرشە مووشەکییەکەی کێڵگەی غازی کۆرمۆر پێکدەهێنرێت.

 

ڕاگەیێنراوی فەرمی: سەرکۆنەی هێرشەکە دەکەین و ئەو جۆرە هێرشانە دەستدرێژیکردنە بۆ سەر سامانی ئابووری عێراق.

 

زانیاریی زیاتر: بە گوێرەی  ڕاگەیێنراوەکە، لە هێرشەکەدا دوو هاووڵاتی گیانیان لەدەستداوە و دووی دیکەش بریندارن، سەرجەمیان هەڵگری ناسنامەی ئەسیوبین.  

 

چی ڕوویدا؟ ئێوارەی ئەمڕۆ هێرش کرایەسەر کێڵگەی غازی کۆرمۆر لە چەمچەماڵ، بە گوتەی   قایمقامی چەمچەماڵ  هێرشەکە کاتژمێر 6:40 خولەک بووە و لە ڕێگەی درۆنەوە بووە و چەند کەسێک کوژراون و چەند کەسێکی دیکەش برینداربوون.